ଭରଚୁଆଲ୍ ବିବାହ

card ଟେ ଘରେ ପହଞ୍ଚିଛି ଆସି

ପଠାଇଛି ପୁରୁଣା ବନ୍ଧୁ ମୋର . ଶଶି

ପୁଅଟି ତାହାର ବାହା ହେଉଛି

ସୁନ୍ଦର ପତ୍ରଟିଏ ମୁଁ ହାତେ ଧରିଛି।

ଖୋଜିଲି ଭୋଜନ କୋଉଠି ବୋଲି

5 star hotel ର ନାଆଁଟେ ପାଇଲି

ଭୋଜିର ସମୟ ହୋଇଛି ଲେଖା

ଖାଇବାଟା ନିଶ୍ଚେ ହୋଇବ ଚୋଖା ।

ଭୁଲିଲା କି ମୋତେ ସମୁଦି ପାଇ?

ବର ଯାତ୍ରାରେ ଡାକରା ନାହିଁ!

ବରାନୁଗମନ ସମୟ କାହିଁ?

ବାହାଘର Venue ଲେଖା ତ ନାହିଁ।

କୋଉଠି ହୋଇବ ପାଣିଗ୍ରହଣ ।

ଖାଲି କଣ ଏଠି ପ୍ରୀତିଭୋଜନ?

ହୋଇଗଲା ଉଣା ମୋହରି ମନ ।

ଭାବିଲି କରିବି ସାଙ୍ଗକୁ Phone

phone କରି ଟିକେ ବୁଝିବି ବ୍ୟାପାର ।

ଧରି ଦେଲା ହାତ ବଡ଼ ପୁଅ ମୋର ।

ବରଯାତ୍ରୀ କଣ ନାହିଁ ଏଠି ବର ।

ଏପରା ହୋଇବ Virtual ବାହାଘର ।

Laptopର ଦୁଇ ପଟେ କନ୍ୟା ଆଉ ବର ।

Mobileରେ ବାଜିବ ବିବାହ ମନ୍ତ୍ର ।

ବରଯାତ୍ରୀ ମଣ୍ଡପର ପ୍ରହସନ ନାହିଁ

ସବୁ ସରି ଗଲେ ଆମେ hotelରେ ଯିବା ଖାଇ ।