ଅନିର୍ବାଣ ଶିଖା

ଆହେ ତ୍ଯାଗବୀର ଅନିର୍ବାଣଶିଖା

ଦୀପ୍ତ ଆଲୋକ ବର୍ତ୍ତୀକା 

ଆଦର୍ଶ ମାନବ କର୍ତ୍ତବ୍ୟ କରିକି

ଦେଇଗଲ ମହାଶିକ୍ଷା ।

ହେ ଜନ ସେବକ ଉତ୍କଳରମଣି

ଦେଶପ୍ରେମୀ ସଂଗଠକ

ଓଡିଆ ଜାତିର ଗର୍ବ ଓ ଗୌରବ

ସଂସ୍କାରକ ସାହିତ୍ୟିକ ।

ଦେହକୁ ମିଶେଇ ଏ ଦେଶ ମାଟିରେ

ଭରି ଦେଲ ଖାଲଖମା

ନିଜର ଉନ୍ନତି ପାଇଁ ଥରେ ହେଲେ 

କରିଲନି ଚିନ୍ତା ଜମା ।

ପର ପାଇଁ ସଦା ହୃଦୟ କାନ୍ଦଇ

ସଂଗ୍ରାମେ ତୁମେ ସୈନିକ

ଦୀପର ସଳିତା ପରି ଜଳିଥିଲ 

ସାରା ଜୀବନଟା ଯାକ ।

ବନ ବିଦ୍ୟାଳୟ ପ୍ରତିଷ୍ଠା କରିକି

ହେଲ ଆଦର୍ଶ ଶିକ୍ଷକ 

ସୁପ୍ରତିଷ୍ଠିତ ଥିଲ ସାମ୍ବାଦିକତାରେ

ସମାଜର ସମ୍ପାଦକ ।

ଆଜୀବନ ତୁମେ ସାଧନା କରିଲ

ଭାଷା ସାହିତ୍ୟକୁ ନେଇ

ସ୍ବତନ୍ତ୍ର ଉତ୍କଳ ପ୍ରଦେଶ ଗଠନ 

ବ୍ରତ ଥିଲା ତୁମ ପାଇଁ ।

ହେ ଜନନାୟକ ଜନ୍ମ ଜୟନ୍ତୀରେ

ପ୍ରଣତି ମୋହର ଘେନ

ଆଉ ଥରେ ଆସଏ ଧରାଧାମକୁ

ଏହି ମୋର ନିବେଦନ ।