ଅନ୍ଧପୁଟୁଳି
ଅନ୍ଧପୁଟୁଳି
1 min
237
ମୁଁ କଣ ଗାନ୍ଧାରୀ ?
ସ୍ୱୟଂ ବରିଛି ଅନ୍ଧପୁଟୁଳି
ଚାଟଶାଳୀ ଚାଟ ପରି,
ନିତି ରଟୁଛି ଏଠି ସବୁ ଅନିତ୍ୟ
କେହି ନୁହ କାହାର ।
ହେଲେ ଉପଲବ୍ଧି ହେଉ ନାହିଁ
ମାର୍ମିକ ତତ୍ତ୍ୱର
ବୋଧ ହୁଏ ଭଲ ଲାଗେ
ସରଳ ନିର୍ବୋଧତା ବା ମରୀଚିକା ।
ଭଲ ଲାଗେ ତୁମର ସେଇ
ବିରକ୍ତିଭରା କରୁଣା କଟାକ୍ଷ ।
ସେଇ ଟିକକ ତ ମୋର
ବଞ୍ଚିବାର ପାଥୟ
ଆଶ୍ୱାସନା , ତୁମେ ଧାବମାନ ଅନନ୍ତ କାଳ
ମୋ ପଶ୍ଚାତପଦ ରେ
ଦଲକାଏ ଶୀତଳ ପବନ
ବିଶ୍ୱାସ ଯୋଗାଏ ତୁମ ଉପସ୍ଥିତି ର
ଭରି ଦିଏ ଅବ୍ୟକ୍ତ ପ୍ରଶାନ୍ତି
ବିଦଗ୍ଧ ଜୀବନେ ମୋର
ତୁମେ ଅଛ ବୋଲି
ମୁଁ ଆଛି
ୟେ ସମସ୍ତ ସଂସାର ତୁମର
ହେଲେ ମୁଁ କେବଳ ତୁମର
ଏତକ ଯୋଡିବାର ବାକିଅଛି
ବୋଧ ହୁଏ ଜୀବନର ବର୍ଣବୋଧରେ ।