ଅନ୍ଧାର ଆସିବା ଆଗରୁ
ଅନ୍ଧାର ଆସିବା ଆଗରୁ
ମୁଁ କହୁଛି ବୋଲି
ମନରେ କରୁଛ ରୋଷ
କେବେ କି ଚାହିଁଛ
ନିଜଆଡେ ନିଜେ ଥରେ
ତୁମେ ଉପଭୋଗ କର
ଯାହା ଯାହା ସବୁ
ସବୁଠାରେ ମୋର
ରକ୍ତର ରଙ୍ଗ ଦିଶେ I
ରକ୍ତ ପାଣିକରି ଗଢିଦେଲି ତୁମଘର
ଅୟସ କରୁଛ
ଯେଉଁଠାରେ ଆଜି ତୁମେ
ଯୋଗାଇ ଦେଇଛି
ଖାଦ୍ୟ ତୁମରି ପାଇଁ
କେବେ କି ଶୁଣିଛ
ମୋ ଭୋକିଲା ପେଟ ସ୍ୱର I
ରଙ୍ଗୀନ ଚଷମା
ପିନ୍ଧିଛ ଆଖିରେ ତୁମେ
ସେଥିପାଇଁ ସିନା
ଦୁନିଆ ରଙ୍ଗୀନ ଦିଶେ
କେମିତି ବା ତୁମେ
ଦେଖିବ ମୋ ଦୁଃଖ ଭାର
ଉଦଭ୍ରାନ୍ତ ତୁମେ
ଧନଗର୍ବେ ମନେମନେ I
ତୁମପାଇଁ ସିନା ଦୁଃଖି ମୁଁ କାଳ କାଳ
ନାହିଁ ଅଭିମାନ ନାହିଁକିଛି ରାଗରୋଷ
ଅପେକ୍ଷା କରିଛି ସେହିଦିନ ଟିଏ ପାଇଁ
ଯେଉଁଦିନ ତୁମେ
ବୁଝିବ ମୋ ଶ୍ରମ ମୂଲ I
ସେହିଦିନ ବୋଧେ
ନାହିଁ ଆଉ ବେଶି ଡେରି
ଦେଖ କେଉଁପରି
ରାତି ଆସେ ସରି ସରି
ତୁମ ଉଆସକୁ ଅନ୍ଧାର ଆସିବା ଆଗୁ
ଶ୍ରମିକ କୁ ଦେଇ ନାର୍ଯ୍ୟ ପାଉଣା
ନିଅ ତାକୁ କୋଳ କରି I