ଅନାବନା ଭାବନା

ଦେଖ ସମସ୍ତ ମନୁଷ୍ୟ ଏଇ 

ମଣିଷ ସମାଜ ଭିତରେ

ଭାବୁଛନ୍ତି ଦୁନିଆଟା ଶେଷ 

ହେଉଛି ତାରି ପାଖରେ ।

ନିଜକୁ ଚିହ୍ନିନି ଓ ନିଜର ଉଦ୍ଦେଶ୍ୟ

କୁ ତ ଜଣା ନାହିଁ

କାହୁଁ ଜାଣିବ ଅନ୍ୟର ଖବର ଅବା 

ଭାବନା ସେହି ।

ମଣିଷ ମୃତ୍ୟୁ ପାଇଁ ଜହର ବିଷ

ଖୋଜେ କାହିଁପାଇଁ

ବହୁତ ପ୍ରକାର ବିଷ ପ୍ରତିଦିନ ପିଉଛି 

ତ ବଂଚିବା ପାଇଁ ।

ରାତିରେ ଶେଜରେ ଗଡିଲା ମାତ୍ରକେ 

ନିଦ ତ ଆସୁନାହିଁ

କାରଣ ଖୋଜିଲେ ପାଇବା ପର ଚିନ୍ତା 

ଟେନସନରେ ରହୁଥାଇ ।

ଦେଖ ଆକାଶକୁ, ପାଇବ ଶାନ୍ତି ଦେଖି 

ସେ କେତେ ନିର୍ମଳ ପବିତ୍ର

ଶାନ୍ତି ତ ପାଉନ, ତେବେ କଣ ମିଳିବ 

ନଷ୍ଟ ଚିନ୍ତା କଲେ ଅନ୍ୟର ।

ଯାହାର କଥା ଶୋଇଲା ସମୟରେ 

ଚିନ୍ତା କରୁଥାଇ

ମନେରଖ ସେହି ବ୍ୟକ୍ତି ଆମ ହୃଦୟର 

ପାଖରେ ଅଛି ରହି ।

ରହୁଛ ନିଜ ସ୍ୱାର୍ଥରେ ଟେନସନ ଓ 

ଅସନ୍ତୋଷ ମନରେ

ଅନ୍ୟର ଅସନ୍ତୋଷକୁ ସମ୍ଭାଳିବା ପାଇଁ 

କି ଯୋଗ୍ୟ ହେବରେ ।