ଅଲୋଡ଼ା ଜୀବନ

ଯେତେଦିନ ଯାଏ ରଖୁଥିବୁ 

ଅନ୍ୟର ମନ 

ଯେତେଦିନ ଯାଏ ରହିଥିବ 

ତୋ'ପାଖେ ଧନ 

ସେତେଦିନ ସଭିଏଁ କହିବେ 

ନିଜକୁ ତୋ'ର ଆପଣ 

ସବୁ ସରିଗଲେ ହାତ ଛାଡ଼ିଦେବେ 

ଏକଥାଟି ସତେ ଜାଣ !

ଦୁନିଆ ସ୍ୱାର୍ଥର ସାଥି 

ସ୍ୱାର୍ଥ ଥିଲେ ଭାବ ପ୍ରୀତି 

ସ୍ୱାର୍ଥସିଦ୍ଧିରେ ବାଧା ଆସିଗଲେ 

ଘୁରିଯାଏ ତାଙ୍କ ଗତି !

ଜଗତେ ହୋଇବ ପୂଜ୍ୟ 

ଯେବେ ତୁମେ ଅଟ ଅଗ୍ରଜ

ଦେଇ ଶିଖିଥିବା ଯାଏଁ 

ପାରି ଦେଉଥିବେ ତୁମ ଶେଯ !

ପାଖରେ ନଥିଲେ ଧନ 

ନାହିଁ ଯଶ ଖ୍ୟାତି ମାନ 

ଆଗେ ନକହିଲେ ପଛରେ କହିବେ 

ଭାଙ୍ଗି ତୋର ସ୍ୱାଭିମାନ !

ଅଲୋଡ଼ା ସବୁ ଅଲୋଡ଼ା 

ସମାଜରେ ସବୁ ଉଜୁଡ଼ା 

ନିଃସଙ୍ଗ ଏକ ନିର୍ଜନ ପଥରେ 

ସବୁ କରିଦେବେ ହାତଛଡ଼ା !