ଏକତା
ଏକତା
ମନେ ପଡେ ପିଲାଦିନ ଗପ
ଏକତା ହିଁ ବଳ
କେତେ ସାଙ୍ଗ କେତେ ସାଥି
କେତେ ଅବା ଖେଳ
ସବୁଠି ଏକତା ମୈତ୍ରୀ ସୌହାର୍ଦ୍ୟ
କରେ ବିରାଜିତ !
ଏକତା ବଳରେ ତୋଳା
କେତେ କେତେ ଗଡ଼
ଗଢ଼ା ଗୀର୍ଜା ମସଜିଦ ଦେଉଳ
ପୁଣି ଏକତା ବଳେ ଜିତିବା
ହୁଏ କେତେ ସରଳ
ହେଉ ଅବା ଯୁଦ୍ଧ ହେଉ ଅବା ଖେଳ !
ଇତିହାସ ଯା'ର ସାକ୍ଷୀ
ବିହୁନେ ଏକତା ଏଠି
ଇଂରେଜ ରାଜୁତି
ମୋଗଲଙ୍କ ଅଧୋଗତି
ଅବା ଝାନସୀରାଣୀର ଆସନ୍ନ
ବିଜୟର ଏକ ପଥରୋଧ ଗତି !
ଏକତା ବିନା ଜାତି
ନା ତିଷ୍ଠିଛି ନା ତିଷ୍ଠିବ
ଏମିତି କେତେ କେତେ ଜାତି
ଏକତା ବିହୁନେ ହେଲେ ବିଲୁପ୍ତି !
ଏକତାର ମହାଶକ୍ତି
ଯିଏ ବୁଝିଛି ଯିଏ ଜାଣିଚି
ତା' ପାଇଁ ବ୍ୟକ୍ତି ଅପେକ୍ଷା
ଜାତି ଦେଶ ଭକ୍ତି
ଦୁନିଆର ସବୁଠୁ ବଡ଼ ପୀରତି !