ସତ୍ୟ ହିଁ ପରମ ତପ

କାଳେକାଳେ ଯଶ ଅରଜିଛି ସତ୍ୟ

          ସତ୍ୟ ଏକା ସାର ମହିତଳେ l

କେତେ ପରକାରେ ବଢ଼େଇ କହିଲେ

         ମିଥ୍ୟା ପ୍ରଘଟ ହୁଅଇ ହେଳେ l

ମିଥ୍ୟା ପିନ୍ଧିଥାଏ ବହୁ ପରିଧାନ

         ସତ୍ୟ ଥାଏ ତ ଉଲଗ୍ନ l

ମିଥ୍ୟା ପାଇଁ ହଜାରେ ପ୍ରମାଣ

    ସତ୍ୟ ପାଇଁ ନାହିଁ ଭିନ୍ନ l

ସତ୍ୟ ପଥେ ଚଳିଲେ ତୁହି

    ନଥିବେ କେହି ତୋ ସଖା l

ପ୍ରାଣ ଲଭିବ ପରମ ତୃପ୍ତି

     ପଥେ ପଥେ ବହୁ ପରୀକ୍ଷା l

ମିଥ୍ୟା ଲାଗେ ଭାରି ସୁନ୍ଦର

   ମହାକାଳ ଫଳ ପରି ଦିଶେ l

ବାହାରଟା ତାର ଭାରି ମନଲୋଭା

  ଅନ୍ତରେ ଭରିଛି ସେ ବିଷ l

ସତ୍ୟବାଦୀ ନର ନମଣେ କେବେ

 ସୁଖ ଦୁଃଖ ହାନି ଲାଭ l

କୋଟିରେ ଖୋଜିଲେ ଗୋଟିଏ ମିଳିବେ

   ଏପରି ଜନ ସଂସାରେ ଦୁର୍ଲଭ l