ଶ୍ରୀମନ୍ଦିରୁ ଦେଲେ ଘଉଡ଼ାଇ

ମାର୍ଗଶୀର ମାସ ଏକ ଦିନ ଗୁରୁବାରେ l

ମହାଲକ୍ଷ୍ମୀ ପଚାରନ୍ତି ଜଗତ ଠାକୁରେ ll

ଆଜ ମୋହର ବାରଟି ପଡ଼ିଲା ଗୋସାଇଁ l

ଅନୁମତି ଦେଲେ ନଗ୍ର ବୁଲି ଯିବି ମୁହିଁ ll

ଅନୁମତି ଘେନି କରି ମାତା ଜଗନ୍ମାତ l

ଚଣ୍ଡାଳସାହିରେ ଯାଇହେଲେ ଉପଗତ ll

ଚଣ୍ଡାଳ ସାହିରେ ଘର ଶ୍ରୀୟା ଚଣ୍ଡାଳୁଣୀ l

ଭକ୍ତିଭରେ ପୂଜାକଲା ଲକ୍ଷ୍ମୀ ଠାକୁରାଣୀ ll

ଦେଢ଼ଶୁର ବଳରାମ ଏ କଥା ଜାଣିଲେ l

ଜଗନ୍ନାଥେ ଡାକିକରି ବଡ଼ ଝିଙ୍ଗାସିଲେ ll

ବୋହୁ ସାଆନ୍ତାଣୀଙ୍କର କି ଅନୀତି କର୍ମ l

ସଂସାରରେ ବୁଡ଼ିଗଲା ଆମ୍ଭ ଜାତି ଧର୍ମ ll

ଏମନ୍ତ ବିଚାରି ଶ୍ରୀ ମନ୍ଦିରେ ଦୁଇ ଭାଇ l

ତୋତେ ମାତ ମନ୍ଦିରରୁ ଦେଲେ ଘଉଡ଼ାଇ ll

କେତେ ନିଉଛାଳି ହୋଇ ତାହାଙ୍କୁ କହିଲୁ l

କିଛି ନ ବୁଝିଲେ ତାଙ୍କୁ ଅଭିଶାପ ଦେଲୁ l

"ସତେ ଯେବେ ଚନ୍ଦ୍ରସୂର୍ଯ୍ୟ ହୋନ୍ତି ଆତଯାତ l

ତୁମ୍ଭକୁ ଅନ୍ନ ନ ମିଳୁ ଆହେ ଜଗନ୍ନାଥ ll

ବାର ବର୍ଷ ଯାଏ ତୁମ୍ଭେ ଦରିଦ୍ର ହୋଇବ l

ଅନ୍ନ ବସ୍ତ୍ର ଜଳ ଯେ ତୁମ୍ଭଙ୍କୁ ନ ମିଳିବ ll"

ଭିକାରି ହୋଇ ବୁଲିଲେ ଦାଣ୍ଡେ ଦୁଇ ଭାଇ l

କେଉଁ ବାପ ଥିଲା ତାଙ୍କୁ ସାହା ହେବା ପାଇଁ ll