ଇଚ୍ଛାମୟ ହରି
ଇଚ୍ଛାମୟ ହରି
ଜୟ ନୀଳାଚଳ ନାଥ ଅଗତିର ଗତି
ଜୟ ମାନ ଉଦ୍ଧାରଣ ଜୟ ରମାପତି l
ଆହେ କଳାକର ମୁଖ ଅରକ୍ଷ ରକ୍ଷକ
ଭକ୍ତ ଚିନ୍ତାମଣି ସର୍ବ କଳୁଷ ଅନ୍ତକ l
ମହିମା ତୋର ଅନନ୍ତ ଇଚ୍ଛାମୟ ହରି
ଦୁର୍ବାଦଳ ମହାଦ୍ରୁମ ତୁହି ପାରୁ କରି l
ତୁମ୍ଭ କୃପାବଳେ ପଙ୍ଗୁ ଲଙ୍ଘିପାରେ ଗିରି
ମୂକ ବାଚାଳ ହୁଅଇ ତୁମ୍ଭ ନାମ ଧରି l
ପାଷାଣୀ ଅହଲ୍ୟା ତାରି ଗଉତମ ନାରୀ
ମାନ ଉଦ୍ଧାରିଲ ପ୍ରଭୁ ପାଞ୍ଚାଳ କୁମାରୀ l
ଅପାର କରୁଣା ତୁମ୍ଭ କେ ପାରେ ବଖାଣି
ଶରଣ ସମ୍ଭାଳ ନାଥ ଭକ୍ତ ଚିନ୍ତାମଣି l
ଭକ୍ତ ରକ୍ଷଣେ ଟେକିଲ ଗୋବର୍ଦ୍ଧନ ଗିରି
ଜୟ ନୀଳଗିରି ନାଥ ଶ୍ରୀକ୍ଷେତ୍ର ବିହାରୀ ।