ମନ ଓ ଜୀବନ

ମନ ଟି ଆମ ଭାବନା ଆକାଶେ ଉଡି

ଯେମିତି ନଟେଇର ରଙ୍ଗୀନ ଗୁଡ଼ି

ବାସ୍ତବରେ ମାଟି ପରେ ଥାଏ ମୁଁ ପଡି

ଯେମିତିକା ଅଲୋଡ଼ା ଅଚଳ ଘଡ଼ି ।

ଆଶା ଅସୁମାରୀ ମନେ ପଡିଛି ବନ୍ଧା

ସନ୍ତାନଟେ ଚାହିଁ ଥାଏ ଯେପରି ବନ୍ଧ୍ୟା

ଘଣ୍ଟା ଆଳତୀ କୁ ଚାହେଁ ଯେମିତି ସନ୍ଧ୍ୟା

ରାତିକୁ ଅପେକ୍ଷା ରଖେ ରଜନୀ ଗନ୍ଧା ।

ଛାଇ ଆଲୁଅର ଖେଳେ ଜୀବନ ବ୍ୟସ୍ତ

କାହାର କି ଯାଏ ସ୍ବପ୍ନ ନ ହେଲେ ସତ 

ଉଖାରି ହୋଇ ଯାଏ ଶୁଖିଲା କ୍ଷତ

ଜୀବନଟା ଲାଗେ ଦୁଃଖ ଯନ୍ତ୍ରଣା ମନ୍ତ୍ର ।

ଭିଡ ଖାଲି ଭିଡ଼ କିନ୍ତୁ ଲାଗଇ ଏକା

ହସିଲେ ସଭିଏଁ ସାଥେ କାନ୍ଦିଲେ ଏକା

ସବୁଠି ଆଗରେ ଆଜି କ୍ଷମତା ଟଙ୍କା

ସେହ୍ନ ମମତାର ମୁଲ୍ୟ ଜୀବନେ ଫିକା ।

ଯଦି ହୃଦୟେ କୋମଳ ସଫା ଭାବନା

ତେବେ ତ ପଛରେ ପଡିଯିବ ଭାଇନା

ପାରି ବନି ବଢି ଗଢି ଆଗକୁ କେବେ

ଜିତିବା ମୁସ୍କିଲି ବାବୁ ଏ ସ୍ୱାର୍ଥର ଭବେ।