ଆଖି ଗଲା ପୁରି
ଆଖି ଗଲା ପୁରି
ଆଖି ଗଲା ପୁରି ଦେଖି ରୂପ ଶିରୀ
କନ୍ଦର୍ପ ଯାଉଛି ଝରି
ମୋ ମନ କଳସ ଭରି ଯାଏ ରସେ
ଦେଉଳ ବେଢାରେ ବୁଲି ।
ଆତ୍ମା ଶାନ୍ତି ମୋର ତୁଳସୀ ଜଳରେ
ଚିତ୍ତ ଶୁଦ୍ଧି ତୋ ଦର୍ଶନେ
ଚର୍ମ ଶୁଦ୍ଧି ମୋର ବେତ ମାଡ଼େ ତୋର
କର୍ଣ୍ଣ ଶୁଦ୍ଧି ତୋ ଭଜନେ
ପାଦ ଧନ୍ୟ ମୋର ବେଢାରେ ତୋହର
ବାଇଶି ପାହାଚେ ଚାଲି ।
ଆନନ୍ଦ ବଜାରେ ଅବଢ଼ା ଖଞ୍ଜାରେ
ଦେଖି ପେଟ ଯାଏ ପୁରି
ଗୀତା ଭାଗବତ ଜ୍ଞାନକୁ କେହିତ
ସଂସାରେ ନୁହଁଇ ସରି
ଧନ୍ୟ ମୋର ଗାତ୍ର ବୁଲିଗଲି କ୍ଷେତ୍ର
ବୃନ୍ଦାବନ ସମ ପୁରୀ ।