ଅଳ୍ପ ଅଳ୍ପ-୯୪
ଅଳ୍ପ ଅଳ୍ପ-୯୪
ଭଙ୍ଗା
ବନ୍ଦ ଝରକା ଓ କବାଟ
ଦେଇ
ପ୍ରବେଶ କରିବାକୁ ଚେଷ୍ଟା କରୁଥିବା
ସ୍ଵଳ୍ପ ଆଲୋକ,
କୋଠରୀର ଚାରି କାନ୍ଥ ଭିତରେ
ଆବଦ୍ଧ,
ପୁରୁଣା ଚୌକି ଓ ଟେବୁଲ
ତାରି ଉପରେ
ଅସଂଯତ ଅବସ୍ଥାରେ ପଡି ରହିଥିବା
ଖଣ୍ଡିଏ ଗୋଲ ଗାନ୍ଧୀ ଚଷମା,
କେଇ ଖଣ୍ଡ ଧଳା କାଗଜ
ଓ ଠିପି ଖୋଲା ହୋଇ ପଡ଼ିଥିବା
ଝର କଲମ,
ନିଜସ୍ୱ ସ୍ଵେଚ୍ଛାକୃତ ନିର୍ବାସନ,
ଭାଷା କୋଷରୁ
ବିଛୁଡ଼ି ଯାଇଥିବା କିଛି ଶବ୍ଦ
ଖୋଜି ଚାଲିଛନ୍ତି
ଜଣେ
ଅଲୋଡା ଆବେଗ ଭରା
ହୃଦୟକୁ,
ଅଜାଣତରେ ଶ୍ରାବଣୀ
ଯେ ............
କେତେବେଳେ ହୋଇଗଲା,
ପୂର୍ଣ ଯୌବନାବତୀ-------!
©®କାଶ୍ୟପ
ରାମ ପ୍ରସାଦ ବିଶୋଇ
ରାୟଗଡା ।ୁଠ