ଖବରରେ ଈଶ୍ବର
ଖବରରେ ଈଶ୍ବର
ଈଶ୍ୱର
ତୁମ ସହ ଭେଟ ହୋଇଥିଲା
ଗତରାତି,
ତୁମକୁ
ଅନେକ କିଛି ପଚାରି ବୁଝିଥିଲି
ତୁମେ କିନ୍ତୁ ହସୁଥିଲ
କେବଳ ହସୁଥିଲ,
ମୋ ପଚାରିବାର କିନ୍ତୁ ହୋଇ ନ ଥିଲା
ବନ୍ଦ,
ହଁ ! ମୁଁ ଜାଣିଛି ,
ମୋ ସବୁ ପ୍ରଶ୍ନର ଉତ୍ତର ତୁମ ନିକଟରେ ନିହିତ,
ଏବେ ତୁମେ ମତେ ବାଧ୍ୟ କରୁଛ ତୁମ ଅସ୍ତିତ୍ୱକୁ ନେଇ ହେବାକୁ ସନ୍ଧିହାନ,
ଯଦି ତୁମେ ସତରେ ସୃଷ୍ଟିକର୍ତ୍ତା,
ପାରି ପାରିବ ନି କି କରି
ଦୂର
ତୁମ ପୃଥୀବିରୁ
ହିଂସା,ଦ୍ୱେଷ ଓ ଅସହିଷ୍ଣୁତାର
ବାତ୍ତାବରଣ,
ପାପ ଅଧର୍ମ ଯେ ଏଠି କରୁଛି
ରାଜତ୍ୱ ପ୍ରତି ନିମିଷ,
ତୁମେ ପରା କୁହ !
ଏ ପୃଥିବୀରେ ତୁମେ କୁଆଡେ ଏକ ମାତ୍ର ବିକଳ୍ପ
ପାପୀ ମାନଙ୍କୁ ବିନାଶ କରିବାକୁ
ଧର୍ମକୁ
ପୁନଃ ସଂସ୍ଥାପନା କରିବାକୁ,
ଆଜି କାହିଁକି ? ଯେ
ସାଜିଛ ନୀରବ,
ଦେଖ !
ଏଠି ଅନେକ ଦ୍ରୌପଦୀ
ଵିଵସ୍ତ୍ର ହେବାରେ ଲାଗିଛନ୍ତି,
ବାରମ୍ବାର,
ଈଶ୍ୱର,
ତୁମେ ବୋଧେ ଖବର କାଗଜ ପଢିବା ଗଲଣି ଭୁଲି,
ଥରେ !
କେବଳ ପଢିବାକୁ ଚେଷ୍ଠାକର
ଦୈନିକ ଖବର କାଗଜ
ଜୀବନ
କାଟିବା ଯେ କେତେ କଷ୍ଟକର ସେତେବେଳେ
ତୁମେ !
ଈଶ୍ୱର ପାରିବ
ବୁଝି,
କେମିତି ଯୋଡ଼ା ହୁଏ ଖବରରେ କାହା କାହାସହ କାହାର ନାମ
ତୁମ କୁ ବି ଯୋଡ଼ିଦେବେ ଲୋକ କହି
ଆଜିର
ତାଜାଖବର
ଖବରରେ ଈଶ୍ୱର----------!