ଅଲିଭା ସ୍ମୃତି
ଅଲିଭା ସ୍ମୃତି
ଦୁଃଖ ଯନ୍ତ୍ରଣାରେ ଭରା ଏ ହୃଦୟ,
ତୁମେ କି ବୁଝି ପାରନା ?
ନିରୋଳାରେ ବସି କାନ୍ଦେ ଏ ହୃଦୟ,
ସାଥୀ ତୁମ ପ୍ରେମ ବିନା |
ତୁମେ ଧାଉଁ ଥାଅ ଛଳଛଳ ସୁରେ,
ଭାବ ଉଛ୍ବାସର ପଥେ,
ନଦୀ ହୋଇ ତୁମେ କେମିତି ଜାଣିବ,
ସାଗର ଗଭୀର କେତେ |
ଜୀବନରେ ଆସେ କେତେ ଅନୁଭୂତି,
ଲେଖିଯାଏ ହୃଦଭାଗରେ,
ଶାରୀ ସିନା ବୁଝେ ଶୁଆର ବେଦନା,
ବୁଝିବ କେ ଆଉ ସତରେ |
ତେର ଡିସିମିଳ ଅଲିଭା ସ୍ମୃତିକୁ,
ଭୂଲି ମୁଁ ପାରିବି ନାହିଁ,
ପ୍ରେମ ପ୍ରଣୟର ଅମୃତ ଭାବନା,
ଲୁଚିକି ରହିଛି ଯହିଁ |
ପ୍ରେମ ବଗିଚାରେ ଫୁଲ ଟିଏ ସାଜି,
ଆସିଲ ଜୀବନେ ମୋର,
ମାଲି ଟିଏ ହୋଇ ସାଇତି ରଖିବି,
ଆମ ପ୍ରେମ ସନ୍ତକ ଅମର |