ଜନ୍ମ ଭୂମି

 ମହାନ ସେ ଜନ୍ମ ଭୂମି ଛୋଟ ମୋର ଗାଆଁ ,

ଇତିହାସେ ଲେଖା ଅଛି ଯାର ଟିକି ନାଆଁଁ ।

ପବିତ୍ର ଏ ପୂଣ୍ୟଭୂମି ବାଘପାଳି ଗ୍ରାମ,

ଭାତୃତ୍ବ ପ୍ରେମବନ୍ଧନ ଯହିଁ ବିଦ୍ଯମାନ ।

ଇତିହାସ କହେ ଯାର ଐତିହ୍ୟର କଥା ,

ସାଧୁସନ୍ଥ ଚନ୍ଦ୍ରମଣି ମଠସ୍ଥଳୀ ଯାହା ।

ବଜ୍ରବାହୁ କବଳରୁ ସୁରକ୍ଷାର ପାଇଁ,

 ଜଗନ୍ନାଥ ପାତାଳୀ ହୋଇଥିଲେ ଯହିଁ ।

ମସ୍ତକେ ଶୋଭଇ ଯାର ତ୍ରିକୁଟ ପର୍ବତ ,

ପାତାଲି-ଶ୍ରୀକ୍ଷେତ୍ର ନାମେ ଅଟଇ ଖ୍ୟାତ ।

ଯା ବକ୍ଷେ ଝରଇ ସଦା ମଧୁ ଝରଝର ,

 ସବୁଜବଣ କାନନ ଦିଶେ ମନୋହର ।

ଭୂଇଁ ଯା ବାସଇ ସଦା କର୍ପୁର ଚନ୍ଦନ ,

କୋଇଲିର କୁହୁ-ତାନ ଚିତ୍ତ-ବିନୋଦନ ।

ବକୁଳ ଅମାବାସ୍ୟା ଯେ ପୂଣ୍ୟ ତିଥି ଯାତ୍ରା ବିନାଶଇ ଭେଦଭାବ କରେ ସର୍ବେ ଏକା ।

ଜାତି, ଧର୍ମ ଭେଦଭାବ ଉର୍ଦ୍ଧରେକ ଯହିଁ

ପବିତ୍ର ଭୂମି ମୋ ଆଦର୍ଶ ଗ୍ରାମ ଅଟେ ସେହି ।