ମୋ ସ୍ବପ୍ନର ଜିଲ୍ଲା

ଆସ ଭାଇ ଆସ ଏକାଠି ହେବା     

 ଆଦର୍ଶ ଜିଲ୍ଲା ଗଢ଼ି ତୋଳିବା ।     

ଦେଶ ମଧ୍ଯେ ହେବ ପ୍ରଥମ ସ୍ଥାନ   

ସମୃଦ୍ଧି,କଳା, ସଂସ୍କୃତି ସମ୍ପନ୍ନ ।   

ବିଜ୍ଞାନ ପ୍ରଯୁକ୍ତିବିଦ୍ୟା ସାଧନ  

ବିଶ୍ବବିଦ୍ୟାଳୟ ହେବ ସ୍ଥାପନ ।   

କଳକାରଖାନା ହେବ ସ୍ଥାପିତ  

 ରୋଜଗାର କ୍ଷମ ହେବେ ସମସ୍ତ ।    

ସ୍ବାସ୍ଥ୍ୟ, ଶିକ୍ଷା, କୃଷି, ପଶୁପାଳନ 

 ସବୁ କ୍ଷେତ୍ରେ ଜିଳ୍ଲା ଥିବ ଅଗ୍ରଣୀ । 

 ସ୍ବର୍ଣ୍ଣପ୍ରସୂ ଭୂମି ସ୍ବର୍ଣ୍ଣୀମ ହେବ  

ସୁନାର ଫସଳ ନିଶ୍ଚେ ଖେଳିବ ।।   

ରତ୍ନଗର୍ଭୁ ଝରି ସୁଗନ୍ଧୀତ ଜଳ 

  ନିରୋଗ ରହିବ ଜିଲ୍ଲା ଆମର ।  

ସୁସ୍ଥ ପରିମଳ ଜିଲ୍ଲା କରି ଗଠନ

 ଭାତୃତ୍ବ ବନ୍ଧନ କରିବା ସ୍ଥାପନ ।।  

ସାଧୁସନ୍ଥ, ବୀର ଭୂମି ଅଟଇ 

 ପ୍ରତିଭାରେ ପୂର୍ଣ୍ଣ ଜିଲ୍ଲା ଟି ସେହି । 

 ସଂସ୍କୃତି, ଐତିହ୍ୟ, ଭାଷା ସାହିତ୍ୟ  

ଯା ମଠା, ପାଟ ସାଢୀ ଜଗତେ ଖ୍ୟାତ ।   

ମନ୍ଦିର ମାଳିନୀ ଜିଲ୍ଲା ଆମର 

ପର୍ଯ୍ୟଟନସ୍ଥଳୀରେ ଭରପୂର । 

ଗୌରବଗାଥା ଯା ମହିମା ମଣ୍ଡିତ   

ପ୍ରକୁତି ସୁଷମା ମନମୋହିତ ।। 

ଯା କଳା,ସଂସ୍କୃତି, ଐତିହ୍ୟ ଗାଥା  

ବିଶ୍ବ ଦରବାରେ ହୋଇବ ଚର୍ଚ୍ଚା । 

 ସ୍ବର୍ଣ୍ଣଭୂମି ଆମ ସୁବର୍ଣ୍ଣପୁର 

 ନୂଆ ଇତିହାସ ଲେଖା ହେବ ଯାହାର ।   

ଜିଲ୍ଲାର ଗୌରବ ଆମରି ହାତେ 

ଏକତ୍ରିତ ହୋଇ ଗଢିବା ନିଶ୍ଚେ । 

 ସୁଖସମୃଦ୍ଧିରେ ହେବ ଭରପୁର  

 ସ୍ବପ୍ନର ଜିଲ୍ଲା ମୋ ସୁବର୍ଣ୍ଣପୁର ।।