ମନ ସିନ୍ଧୁକ
ମନ ସିନ୍ଧୁକ
ତୁମେ ଯେବେ ଆସ ପାହାନ୍ତି ସପନେ,ଆଶାର ଆଲୋକ ନେଇ,
ମୃତ ଦେହେ ପ୍ରାଣ ଫେରି ଆସେ ପୁଣି,ସତ ସିଂହର ବଳ ନେଇ |
ତୁମେ ମୋ ସପନ ହୃଦସ୍ପନ୍ଦନ,ତୁମେ ହିଁ ତ ମୋର ଠିକଣା,
ତୁମ ବାଟ ଚାହିଁ ଜଗି ବସିଅଛି,ଦେବାକୁ ତୋ ପ୍ରେମ ପାଉଣା |
ପାହାନ୍ତି ସପନ ସତହୁଏ ବୋଲି,କହନ୍ତି ସାରା ଜଗତ,
ସପନକୁ ମୋର ଅଧାକରି ସାଥୀ,ଛାଡିଯାଅ କିଆଁ ବାଟ |
ସତରେ ନହେଲେ ନାହିଁ ପ୍ରିୟତମା,ସପନରେ ଆଉଥରେ ଆସ,
ମନ ସିନ୍ଧୁକରେ ଛନ୍ଦି ପକାଇବି,ଦେଇ ପ୍ରେମ ବନ୍ଧନର ଫାସ |
ପ୍ରେମ ଚିରନ୍ତନ, ପ୍ରେମ ହିଁ ଜୀବନ,ପ୍ରେମ ଯେ ଅଭୂଲା ସ୍ମୃତି,
ପ୍ରେମ ବିନା ସାଥୀ ମରୁଭୂମି ସମ,ଜୀବନର ଅଧୋଗତି ||