ପବିତ୍ର ବନ୍ଧନ

ମୁଁ ତୁମ ଭ୍ରାତା ତୁମେ ମୋ ଭଗିନୀ,

ବନ୍ଧନ ଅଟେ ପବିତ୍ର |

ଆମ ଏ ସମ୍ପର୍କ ଚିରନ୍ତନ ବୋଲି 

ଜାଣୁ ଏ ସାରା ଜଗତ ||

ହୃଦସ୍ପନ୍ଦନ ଥିବ ଯେତେ ଦିନ

ଚାଲୁଥିବି ଆଗେ ତୁମରି |

ତବ ଚଳାପଥେ ଘାତ ପ୍ରତିଘାତ

କଣ୍ଟକ ବିହୀନ କରି ||

ଭାଇ-ଭଉଣୀର ପବିତ୍ର ବନ୍ଧନ

ଅଟଇ ରକ୍ଷା କବଚ |

ଜନ୍ମ-ମରଣର ଅତୁଟ ସମ୍ପର୍କ

ହୀରାକୁ ଯେପରି କାଚ ||

ତୋ ସ୍ନେହ ପରଶେ ମରୁଜୀବନେ ମୋ

ଫୁଟିଛି ମମତା ଫୁଲ |

ସତେଜ ସୁନ୍ଦର ଆଜି ମୋ ଜୀବନପାଇ

ତୋର ମନୋବଳ ||

ସାଥୀ ହୋଇ ଭଗ୍ନୀ ଜୀବନର ପଥେ

ଚାଲୁଥିବା ନିଶ୍ଚିନ୍ତରେ |

ଭୟ କରିବାନି ବାଧାବିଘ୍ନ ଯେତେଆସୁ

ଏଇ ଜୀବନରେ ||

ଭାଇ-ଭଉଣୀର ମଧୁର ସମ୍ପର୍କ

ଗଢି ଉଠିଅଛି ଆଜି |

କରୁଛି ଶପଥ ରଖିବି ମହତ

ଦେଇ ଜୀବନକୁ ବାକି ||