Library
Profile
ଅକ୍ଷୟ ତୃତୀୟା ଭରିଦିଏ ଆଶା
ଅକ୍ଷୟ ତୃତୀୟା ଭରିଦିଏ ଆଶା
ପରମ୍ପରା ବିତ୍ତ ଓଡ଼ିଆ ବଳିଷ୍ଠ
ଜଗନ୍ନାଥ ସଂସ୍କୃତିରେ
କୃଷି ଆଧାରିତ ପାଳେସେ ପରବ
ଭକ୍ତିପୂତ ଭାବନାରେ !!
ବୈଶାଖ ଶୁକ୍ଳର ତୃତୀୟା ତିଥିରେ
ଅକ୍ଷୟ ତୃତୀୟା ପର୍ବ ;
କୃଷି କର୍ମଣର ହୁଏ ଅୟାରମ୍ଭ
ଶୁଭ ଅନୁକୂଳ ଭାବ!!
ଲକ୍ଷ୍ମୀ ନାରୟଣ ହୁଅନ୍ତି ତ ପ୍ରୀତ
ମହାତିଥି ବିଶେଷାଙ୍କ ;
କୃଷକ ସମାଜ ପାଳନ୍ତି ପରବ
ଆଶାର ଅଙ୍କୁରୋଦଗ୍ମ!!
ନୂଆ ମାଣ ଶେର ଗଉଣିରେ ଧାନ
ଧୂପଦୀପ ନଇବେଦ୍ୟ ;
ନଵବସ୍ତ୍ର ପିନ୍ଧି ଅର୍ଘ୍ୟ ଦିଏ ବାଢି
ବିରାଜନ୍ତି ଲକ୍ଷ୍ମୀମାତ !!
ଚାଷାପୁଅ ହସେ ବୀଜ ବିପଣନେ
ଆଶା ବିଶ୍ଵାସକୁ ନେଇ ;
ପ୍ରଭୁ ଜଗନ୍ନାଥ ଅନ୍ନପୂର୍ଣ୍ଣା ମାତ
ନିରାଶା କରନ୍ତି ନାଇଁ !!
ଝୋଟି ଚିତା ଆଙ୍କି ପୂଜେ ଓଡ଼ିଆଣୀ
କୃଷକ ଘର'ର ବୋହୂ ;
ଲକ୍ଷ୍ମୀ ଆରାଧନା ସତେ ତା'ସାଧନା
ଯେତେ ସେ'ଅଭାବେ ଥାଉ. !!
ଆରିଶା କାକରା ଭଳିଭଳି ପିଠା
ଅକ୍ଷୟ ତୃତୀୟା ତତ୍ତ୍ଵ. ;
କ
ୃଷି ଭୂମିପୂଜା ଅନ୍ନେ ବିମଣ୍ଡିତ
ଶୁଭାଶିଷେ ସଦାଚିତ୍ତ. !!
ଇନ୍ଦ୍ରଦେବତାଙ୍କ କରୁଣା ପ୍ରଦତ୍ତ
ପହିଲି ବରଷା ଟୋପା ;
ଏମହା ତିଥିରେ କ୍ଷେତ ସ୍ନାନକରେ
ଉଜ୍ଜୀବିତ ହୁଏ ଆଶା !!
ମହାପୂଣ୍ୟ ତିଥି ଭାବନା ସରାଗି
ଓଡ଼ିଆ ଶିଳ୍ପୀର ଲଗ୍ନ ;
ଘୋଷ ଯାତ୍ରା ପାଇଁ ନିହାଣ ସ୍ପର୍ଶଇ
ରଥ ନିର୍ମାଣରେ ମଗ୍ନ. !!
ତ୍ରେତୟା ଯୁଗର ରହିଛି ପ୍ରବାଦ
ଅକ୍ଷୟ ତୃତୀୟା ଗାଥା ;
ଏଇ ଦିବସରେ ଆବିର୍ଭାବ ହେଲେ
ଜନକ କଲ୍ୟାଣୀ ସୀତା !!
ପର୍ଶୁରାମଙ୍କର ଜନମ ଦିବସ
ଅକ୍ଷୟ ତୃତୀୟା ଦିନ ;
ପୁରାଣେ ବର୍ଣ୍ଣିତ ଏକଥା ବଳିଷ୍ଠ
ଅଛି ମହା ଉପାଖ୍ୟାନ.!!
ଏତିଥିର ମାହାତ୍ମ୍ୟ ଅଛିତ.ଅନେକ
ବର୍ଣ୍ଣିବା ସମୟ ସାଧ୍ୟ. ;
କୃଷକ କୃଷିର ପରବ ବିଶେଷ
ଅକ୍ଷୟ ହେବନି କ୍ଷୟ !!
ପ୍ରଭୁ ଜଗନ୍ନାଥ ହୋଇବ ସଦୟ
କୃଷି କର୍ମକାର. ବନ୍ଧୁ ;
ତଵ କୃପାବଳେ ସୁନାକ୍ଷେତ ହସେ
ଆକାଶରୁ ଝରେ ବିନ୍ଦୁ !!
