ଅକ୍ଷି ତୁର୍ତ୍ତିଆ

ଆଏଜ୍ ପରେ ଅକ୍ଷି ତୁର୍ତ୍ତିଆ,

ହୋ.. ଓ.. ଓ ହସ୍ ଖୁସି ସବୁ ବଢ଼ିଆ ।

ହଲ୍ ଲଙ୍ଗଲ୍ ଧରି ମୁଠି ଦେବେ ଚାସି

ବଛରକର୍ ଲାଗି ମିଲବା ଅଢ଼ିଆ ।୧।

ଆଏଜ୍ ପରେ .....

ଆଏଜ୍ ପରେ ଅକ୍ଷି ତୁର୍ତ୍ତିଆ,

ହୋ.. ଓ.. ଓ ମାଆ ସୁଭଦରା, ଜଗାବଲିଆ ।

ରଥ ଯାତରା ଲାଗି ଅନୁକୁଲ୍ ହେବା

ଆସିଗଲା ରଥ ବନାବାର୍ ସମିଆ ।୨ ।

ଆଏଜ୍ ପରେ .......

ଆଏଜ୍ ପରେ ଅକ୍ଷି ତୁର୍ତ୍ତିଆ,

ହୋ.. ଓ.. ଓ ଆରମ୍ଭିଲା ଯୁଗ୍ ତେର୍ତୟା ।

ପର୍ସୁରାମ ଆଏଜ୍ ଜନମି ଥିଲେ ତ

ମହାଭାରତ୍ ଲେଖି ସାରିଦେଲେ ବ୍ୟାସ କେତେ ବଢ଼ିଆ ।୩ ।

ଆଏଜ୍ ପରେ ........

ଆଏଜ୍ ପରେ ଅକ୍ଷି ତୁର୍ତ୍ତିଆ ।

ହୋ.. ଓ.. ଓ ଭଗିରଥ ରଜା କେତେ ବଢ଼ିଆ ।

ତପସ୍ୟାର୍ ବଲେଁ ଗଙ୍ଗା ମାଁ କେ ଆନଲେ

ଧରତି ପୁର୍କେ ଯେ ଇଟା ତ ନୁହେ ମାହାଲିଆ ।୪ ।

ଆଏଜ୍ ପରେ.......

ଆଏଜ୍ ପରେ ଅକ୍ଷି ତୁର୍ତ୍ତିଆ,

ହୋ.. ଓ.. ଓ ଆମେ ସବୁ କୁଟୁମ୍ ବସିଆ ।

ବଇସାଖ ମାସର୍ ସୁକ୍ଲ ତୁର୍ତ୍ତିଆ କେ

ସରାଗେ ମାନମା ତ ସାରା ଦୁନିଆଁ ।୫ ।

ଆଏଜ ପରେ ..........