ଅହିଂସା ବୀର
ଅହିଂସା ବୀର
ସାବରମତୀର ସନ୍ଥ ବାପୁଜୀ
କୀରତି ତୁମ ମହାନ ।
ଶାନ୍ତି ଖଡଗ ଅହିଂସାର ଢାଲେ
କରିଲ ମହାସଂଗ୍ରାମ ॥୧॥
ଯେଉଁ ଇଂରେଜ ଶାସନରେ
ଦେଶ ହୋଇଥିଲା ପରାଧିନ ।
ପାଷାଣ ହୃଦକୁ ଦେଲ ତରଳାଇ
ତାଙ୍କର ତୁମେ ମହାନ ॥୨॥
ଯେଉଁ ବ୍ରିଟିଶର ଶାସନରେ ସୂର୍ଯ୍ୟ
କେବେ ଅସ୍ତ ହୁଏ ନାହିଁ ।
ସୂର୍ଯ୍ୟର ଅସ୍ତ କରାଇଲ ତୁମେ
ତୁମ ସରି କିଏ କାହିଁ ?୩॥
କୁଟି ଖାଅ କାଟି ପିନ୍ଧ ଶିଖାଇଲ
ଏ ଦେଶର ଜନତାଙ୍କୁ ।
ଖଦୀ ଗ୍ରାମୋଦ୍ୟୋଗ ବାରତା ବି ଦେଲ
କୋଟି ଗ୍ରାମୀଣ ଲୋକଙ୍କୁ ॥୪॥
ବାଡି ଖଣ୍ଡେ ଧରି ଆଣ୍ଠୁ ନଲୁଚିବା
ଲୁଗା ପିନ୍ଧି ବୁଲି ବୁଲି ।
ଜାଗ୍ରତ କରିଲ ଭାରତବାସୀଙ୍କୁ
ସ୍ଵାଧୀନତା ଆଣ ବୋଲି ॥୫॥
ସରଳ ଜୀବନ ସ୍ଵାଧୀନ ଚିନ୍ତନ
ନିର୍ଭୀକ ତୁମେ ବୀର ।
ସୁଯୋଗ୍ଯ ସନ୍ତାନ ଦେଶମାତୃକାର
ତୁମେ ପିତା ଏ ଜାତିର ॥୬॥
ଗୀତାର ଜ୍ଞାନରେ ସତ୍ଯ ଧରମରେ
ବିନା ରକ୍ତପାତରେ ।
ସ୍ବାଧୀନତା ଦେଲ ଭାରତବାସୀଙ୍କୁ
ବିଚିତ୍ର ଯା ମରତରେ ॥୭॥
ନୀତି ଆଦର୍ଶରେ ତୁମର ଜାଗ୍ରତ
ହୁଅନ୍ତି ଏ ବିଶ୍ବବାସୀ ।
ଦେଶ ମାତୃକାର ହେ ବୀର ସନ୍ତାନ
ମହାତ୍ମା ଭାରତବାସୀ ॥୮॥
ଅହିଂସା ପୂଜାରୀ ଦେଉଛୁ ସମ୍ମାନ
ଘେନାକର ଘେନାକର ।
ଜୟଗାନ ତୁମ କରୁ ଦେଶବାସୀ
ଧନ୍ୟ ଅହିଂସା ବୀର ॥୯॥