ଅଗ୍ନ୍ୟୁତ୍ସଵ
ଅଗ୍ନ୍ୟୁତ୍ସଵ
ଟିଭି ଓ ମିଡିଆ ଖବର କାଗଜେ
ପଢ଼ୁଥିବା ନିତି ନିତି,
ଅନିଚ୍ଛା ଅପ୍ରିୟ ତଥାପି ଆସୁଛି
ଅଗ୍ନିର ତାଣ୍ଡବ କୃତି ।
ଘର ଜଳିଗଲା ଅଗ୍ନିକାଣ୍ଡ ହେଲା
ପୋଡ଼ିଗଲା ଚାଷ ଜମି,
ଗାଡ଼ି ମଟର ଓ ବିମାନରେ ଅଗ୍ନି
ଲାଗି କରୁଛି ଅକାମି ।
ମୃତାହତ ପୁଣି ଜଙ୍ଗଲ ଜଳୁଛି
କଳ କାରଖାନା ଆଦି,
ଅଗ୍ନି ସଂଯୋଗରେ ଗ୍ୟାସ ଟାଙ୍କି ଫାଟି
କରୁଅଛି ବରବାଦୀ ।
ତେଣୁ ମୋ ଗୁହାରୀ ସକଳ ଜନଙ୍କୁ
ଅଲୋଡ଼ା ଏ ଅଗ୍ନ୍ୟୁତ୍ସଵ,
ସଜାଗ ସତର୍କ ରହିଲେ ସରବେ
ଏ ବିପଦ ଦୂର ହେବ ।