ଅଗନା ଅଗନି ବନ
ଅଗନା ଅଗନି ବନ
ଅଗନା ଅଗନି ବଣ
ବାଘ ଭାଲୁ ପଣ ପଣ
ହାତୀ ଗଧ ଭୁଆ ହରିଣ ଠେକୁଆ
ହେଉଥାନ୍ତି ମେଳା ମେଳା
ନେଉଳ ମୟୂର ସାପ ଆଦିଙ୍କର
ଚାଲିଥାଏ ଲୀଳା ଖେଳା ।।
ସିଂହ ସେ ବଣର ରଜା
ଆନନ୍ଦେ ପାଳଇ ପ୍ରଜା
ସାଙ୍ଗ ସାଥି ହୋଇ ସୁଖେ ଖାଇ ପିଇ
ସଭିଏଁ କରନ୍ତି ବାସ
ନାହିଁ ଭେଦ ଭାବ ନୁହେଁ କେ' ମୁନିବ
ନୁହଁନ୍ତି ବି କେହି ଦାସ ।।
ରଜାଙ୍କ ଛାମୁରେ ଆସି
ସଭିଏଁ ଏକାଠି ବସି
ନିଜ ରାଇଜର ସକଳ ବିଚାର
କରନ୍ତି ସଞ୍ଜକୁ ନିତି
ହସରେ ଖୁସିରେ ବଡ ମଉଜରେ
ଦିନ ଯାଉଥାଏ ବିତି ।।
ଅନୀତି କରେନି କେହି
କଲେ ସଜା ପାଏ ସେହି
ବଳ ଅଛି ଯା'ର ମୂଲକ ତାହାର
ଚଳେ ନାହିଁ ନୀତି ଏଇ
ଭାବି ନୀଚ ପର କେହି ବି କାହାର
ଜୀବନ ଯାଏନି ନେଇ ।।
ଲାଗେ ସବୁ ମନଲୋଭା
ବଢୁଥାଏ ବଣ ଶୋଭା
ତାଙ୍କ ପରି ଯେବେ ଚଳିବା ସରବେ
ଭୁଲି ହିଂସା ବାଦ କଳି
ସୁନ୍ଦର ପଣରେ ଆମ ଦୁନିଆକୁ
କିଏ ବା ଯିବରେ ବଳି ।।