ଅଧୁରା ସ୍ୱପ୍ନ
ଅଧୁରା ସ୍ୱପ୍ନ
ଉଚ୍ଚାଟ କରଇ ଅଧୁରା ସପନ
ହୁଅଇ ମନ ବିଭୋର
ଭାଙ୍ଗି ଗଲେ ମଧ୍ୟ ସୁଖ ନିଦ୍ରା ଶୀଘ୍ର
ଘାରି ରହେ ସ୍ୱପ୍ନ ମୋହ ।
ଶିକ୍ଷା ରୋଜଗାର ସୁନ୍ଦର ଭବିଷ୍ୟ
ପ୍ରିୟା ପ୍ରୀତି ଭେଟାଭେଟି
ସମ୍ମୁଖେ ସତତ ନାଚଇ ସ୍ୱରୂପ
ଖୋଜି ବୁଲୁଥାଏ ଆଖି ।
ସଫଳ ହୁଅଇ ସ୍ୱଭାବକୁ ଲକ୍ଷ୍ୟ
ସାଧନା କଲେ ନିରତ
ହୁଅଇ କାମନା ଅବଶ୍ୟ ପୂରଣ
ଅଧା ସ୍ୱପ୍ନ ହୁଏ ସତ ।
ହଜି ଯାଇଥିବା ମିଳଇ ଜିନିଷ
ମନ ଲାଖି କନ୍ୟା ବର
ସୁପାତ୍ର ଲଭଇ ପଦ ଓ ପଦବୀ
ସ୍ୱପ୍ନ କଥା ଅନୁସାର ।
ସ୍ୱପ୍ନ ଅଛି ବୋଲି ହେଉଛି ପ୍ରଗତି
ମଣିଷ ଉଦ୍ୟମ ରତ
ଆଗେଇ ପାରେନି ବ୍ୟକ୍ତି ଗୋଷ୍ଠୀ ଜାତି
ଖଟୁଥିଲେ ଯନ୍ତ୍ର ବତ ।
ସୁଖର ସପନ ଦେଖେ ମଧ୍ୟବିତ୍ତ
ଲଗାଏ ବୁଦ୍ଧି କୈ।ଶଳ
ଅବଦାନ ତାର ବିକାଶ ନିମନ୍ତେ
ଦେଶର ମୁଖ୍ୟ ସମ୍ବଳ ।
ଉଜ୍ଜ୍ୱଳେ ପ୍ରକାଶୁ ସୁନେଲି ସୂରୁଜ
ଉଦ୍ୟମୀଙ୍କ ଭବିଷ୍ୟତ
ସବୁରି ମୁହଁରେ ଫୁଟୁ ମଧୁ ହାସ୍ୟ
କୁସୁମିତ ହେଉ ପଥ ।