ଲାଇବ୍ରେରୀ
ପ୍ରୋଫାଇଲ୍
ଅଧାଜଳା ସିଗାରେଟ୍
ଅଧାଜଳା ସିଗାରେଟ୍
1 min
374
ସିଏ ଛତା ଧରି ଯାଉଥିଲା
ପବନ ଯାହାକୁ ଉଡେଇ ନେଲା
ଅଧାଜଳା ସିଗାରେଟ୍
ରାସ୍ତାରେ ଗଡୁଥିଲା
ଲଙ୍ଗଳା ମଙ୍ଗଳା ହୋଇ
ତାକୁ ଉଠେଇ ଆଣି
ସେ ଓଠରେ ଲଗାଇ ଦିଆସିଲି ମାରିଲା।
ନିଆଁ ଜଳୁଥିଲା
ବ୍ଲାଷ୍ଟଫରନେସରେ
ଶୀତ କୁଙ୍କୁରୀ କାଙ୍କୁରୀ ହେଉଥିଲା
ବୁଲା କୁକୁର ପେଟତଳେ
ସେ ହତାଶ ହେଲା
ଓଦା ସିଗାରେଟ୍ ନିଆଁ ଧରିଲାଣି।
ତାର ରାଗ ହେଲା
ସେ ଟିକି ଟିକି କରି
ଦାନ୍ତରେ କାମୁଡ଼ି କ୍ଷତ କଲା
କେଉଁଠୁ ଗୋଟେ ଭାସି ଆସୁଥିଲା
ଆଜ୍ ମୌସମ୍ ବଡା...
ସିଗାରେଟ୍ ଧକଉଥିଲା
ବୁଟ ତଳେ
ବନ୍ଦ ହୋଇଗଲା
ତା ନିଃଶ୍ବାସ।
ଏଇ ଦେଖ ଫର୍ଚ୍ଚା ଆକାଶ
ସେ ଗଙ୍ଗାରେ ଡୁବ ମାରି
ପଖାଳୁଥିଲା
ତା ପାପ।
