ଅବୁଝା ଜୀବନ

ଆରମ୍ଭରେ ସହଜ ଲାଗୁଥିବା ଜୀବନ 

ଧୀରେ ଧୀରେ ଜିଇଁବା ପାଇଁ

ସାହସ ଲୋଡ଼େ 

ପ୍ରେମ ଲୋଡେ

ପ୍ରେମ ପାଇଁ ପ୍ରତୀକ୍ଷା ଲୋଡେ

ପ୍ରତୀକ୍ଷା ପାଇଁ ଧୈର୍ଯ୍ୟ ଲୋଡେ 

ଝଡୁଥିବା ପତ୍ର ଗଣିବାକୁ ପଡ଼େ 

ସମ୍ଭାଳି ନେବାକୁ ପଡ଼େ 

କେବେ ଆସେ ବୈଶାଖ 

କେବେ ଆସେ ଶ୍ରାବଣ 

କେବେ ମାଘ କେବେ ଫଗୁଣ 

କେବେ ମନେ ରଖେ

କେବେ ଭୁଲିବାକୁ ପଡ଼େ ।

ଆରମ୍ଭରେ ଗୋଟେ ଧାର କାନ୍ଦ ପରେ

ହସହସ ଲାଗୁଥିବା ଜୀବନ 

ଚାଲିବାକୁ ରାସ୍ତା ଖୋଜି ହସ ଭୁଲିଯାଏ 

ରୋମାଞ୍ଚରୁ ରହସ୍ୟର ଧନ୍ଦା 

କ୍ଷଣକେ ବଦଳିଯାଏ 

ବୁଝିବା କି ବୁଝେଇବା 

ଜୀବନ ସେଇଠି ଥାଏ 

ସମୟର ଚକ ଯାହା ଘୂରି ଯାଉଥାଏ ।

ଅନେକଥର 

ଜିଇଁବାକୁ ଭୁଲିଯିବାକୁ 

ଚାହୁଁଥିବା ଅବୁଝା ଜୀବନ 

ପୁଣି ଜିଉଁଥାଏ ନିଜକୁ ନିଜେ 

ହଜିଯିବାକୁ ଚାହୁଁଥିବା

କ୍ଷଣ ପରେ ପରେ 

ଜିଇଁବାର କଳା ପୁଣି ଖୋଜେ ।