ଅଭୁଲା ରାଇଜେ ଅଲିଭା ସ୍ମୃତି

ତୀର୍ଥ ସୁପବିତ୍ର ବାରୁଣୀ ସାନିଧ୍ୟ

ସମୁଚ୍ଚରେ ବେଦ ପ୍ରଣବ ଧ୍ବନି

ସ୍ବର୍ଣ୍ଣପ୍ରସୂ ଥିଲା ଉତ୍କଳ କଟକ 

ପୁଣ୍ଯ ବୈତରଣୀ ବିରଜା ଭୂମି ।

ରାଜନ ଯଯାତି ଜିଣିଥିଲେ ଗଡ

ଆକୁମାରୀ ହିମାଚଳ ଭାରତ

କରିଥିଲେ ଯଜ୍ଞ ଦଶ ଅଶ୍ୱମେଧ 

ଯଶ କୀର୍ତ୍ତିମାନେ ପୁର ମଣ୍ଡିତ ।

ବିରାଜୁ ଅଛନ୍ତି ସପତ ମାତୃକା

ପ୍ରଭୁ ମହାବିଷ୍ଣୁ ବରାହନାଥ

ତ୍ରିଲୋଚନେଶ୍ଵର ବାବା ସିଦ୍ଧେଶ୍ବର 

ସର୍ବତ୍ର ସ୍ଵୟମ୍ବୁ ଶିବ ପ୍ରକଟ ।

ଗୋଟିଏ ଶିଳାରେ ହୋଇଛି ନିର୍ମିତ

ବିରଳ ଅତ୍ଯନ୍ତ ଶ୍ରୀ ଶୁଭସ୍ତମ୍ଭ

ଲକ୍ଷ୍ମୀ ସରସ୍ବତୀ ବିଜେ ମହାଶକ୍ତି

ଦର୍ଶନ ବିରଜା ଶୁଭ ଦୁର୍ଲଭ ।

ଗଦାକ୍ଷେତ୍ର ଭାବେ ରହିଛି ପ୍ରସିଦ୍ଧି

ନିର୍ମିତ ପ୍ରାଚୀନ ଅଠରନଳା

ମହିମା ମଣ୍ଡିତ ଐତିହ୍ଯ ଭଣ୍ଡାର 

ତପୋଭୂମି ନାଭିଗୟା ବିରଳା ।

ପ୍ରଗଣା ବରୁଆଁ ଉଣେଇଶା ସେତୁ

ବିିଜୟର ପଥେ ରହି ସ୍ମାରକୀ

ବଖାଣୁଛି ଏବେ ସଂଗ୍ରାମର ଗାଥା

ଝଡଝଞ୍ଜା କେତେ ଯାଇଛି ବିତି ।

ଗଢିଛି ଏ ଜାତି ପୁରୀ କୋଣାରକ

ଖୋଜିଛି ଜୀବନେ ଶାନ୍ତି ମୁକତି

ଭକ୍ତି ସମନ୍ବୟେ ମହକେ ମୋ ମାଟି

ଅଭୁଲା ରାଇଜେ ଅଲିଭା ସ୍ମୃତି ।