ଅଭୁଲା ମୁହୂର୍ତ୍ତ

କୁନି ପିଲାଟିର କଅଁଳ ମନରୁ

କୁନି ମୁହଁରେ ତା' କୁନି ହସରୁ

ଜାତହୁଏ ସଦଭାବନାର ସୁନ୍ଦର ସମୟ

ହୋଇଉଠେ ସମୟର ସୌନ୍ଦର୍ଯ୍ୟଭରା ବିନିମୟ ।

ଅତିବାହିତ ସମୟ ସହ ସାଙ୍ଗ ହୋଇ

ଆଜି ଭାବୁଛି ମୁଁ କିଛି, ଭାବନାରେ ବିଲୁପ୍ତ ହୋଇ

ବୟସ ବଢିଛି ସତ, ହେଲେ, ମନ ଏବେ ବି' ଛୋଟ ଅଛି

ପଛ କଥା ସହ ମନ ନେଇ,ଆଗକୁ ବଢୁଛି ।

ଆଜି ମନେ ପଡେ,

ବୃଦ୍ଧକାଳେ ସେଇ ମନୋହର ମୁହୂର୍ତ୍ତ 

ଅବୁଝା ଭାଷାର ସେହି ପ୍ରତ୍ୟେକ ବାର୍ତ୍ତାଳାପ 

ବାଡି ଧରି ଛିଡା ହୋଇ ଲାଗେ ଆଗକୁ ଚାଲିଲା ପରି

ଲାଗେ ସେ ବିଗତ ଦିନ ଗତ କାଲି ପରି ।