ମା'କୁ ଚିଠି
ମା'କୁ ଚିଠି
ଜୀବନ ଏବେ ଏମିତି ମୁହୂର୍ତ୍ତ ଦେଇ ଯାଉଛି ମା'
ଭଲମନ୍ଦର ବୁଝାମଣା କରିପାରୁନି ମୁଁ ମା'
ଭୁଲ୍ ପାଇଁ ଚୁପ୍ ରହିଲେ କଷ୍ଟ ପାଉଛି ମୁଁ ମା'
ଭୁଲ୍ ପାଇଁ ପାଟି ଖୋଲିଲେ ଖରାପ ହେଉଛି ମୁଁ ମା' ।
ଆଗକୁ ବଢିବାକୁ ସଂକଳ୍ପ କରୁଛି
ହେଲେ, ଆଶାର ଆଲୋଡନରେ ଛନ୍ଦି ହୋଇଯାଉଛି
ଭଲ-ମନ୍ଦକୁ ପାଛୋଟି ପାଛୋଟି
ମନ, ମସ୍ତକ ମୋର ଥକି ଯାଉଛି ।
ତୁ ତ' ସବୁ ଦେଖୁଛୁ, ସବୁ ବୁଝୁଛୁ
ଠିକ୍ ସମୟରେ ସବୁ ଦେଉଛୁ
ତଥାପି ଏ ମନ କାହିଁ ଅଥୟ ରହୁଛି ସବୁବେଳେ
ବିଶ୍ବାସର ବନ୍ଧନରେ ପ୍ରଶ୍ନ କରୁଛି ବେଳେ ବେଳେ ।
ମନ ମୋର ବହୁତ ଦୁଃଖରେ ଅଛି ମା'
ତୋ ପିଲା ପରି ପରିକ୍ଷିତ ହେଉନି ମୁଁ ମା'
କାହିଁକି ମୁଁ ଜାଣିପାରୁନି ଏ ପାର୍ଥକ୍ଯ ?
କେବେ ବୁଝିବି ମୁଁ ଏ ସୌନ୍ଦର୍ଯ୍ୟର ରହସ୍ଯ ?
ଦ୍ଵନ୍ଦରେ ରହୁଛି ଏ ମନ ସବୁବେଳେ
ଡର ଲାଗୁଛି ମୋତେ ବେଳେବେଳେ
ପାଖରେ ଅଛୁ ତୁ, ଜାଣିଛି ମୁଁ ଏ କଥା
ତା'ହେଲେ ଡରୁଛି କାହିଁକି, ବୁଝି ପାରୁନି ମୁଁ ଏ କଥା ।
ବୁଝେଇ ଦେ, ମୋ ମନକୁ ତୁ ମା'
ଶିଖେଇ ଦେ, ତୋ ଉପସ୍ଥିତିର ଗାରିମା
ବୁଝି ତୁ, ମୋ ମନର ଦ୍ଵନ୍ଦର ବିଷୟ
କରିଦେଉଥିବୁ କ୍ଷମା କୋଳକୁ ନେଇ ମୋତେ ତୋର ।