ଶୋଷଣର ଚଳନ୍ତା ଲହରୀ, ଆଉ କେତେ ଦିନ?
ଶୋଷଣର ଚଳନ୍ତା ଲହରୀ, ଆଉ କେତେ ଦିନ?
ପେଟକୁ ଦାନା ନାହିଁ, ବଞ୍ଚିବାକୁ
ରୋଜଗାର ନାହିଁ, ଏହା କ'ଣ
ରାମ ରାଜ୍ୟର ଶାସନ ?
ପେଟ ଚାଖଣ୍ଡକ ପାଇଁ ନାହିଁ ସଂସ୍ଥାନ,
ଯୁବକ ହୁଏ ଦାଦନ, ଏହା କ'ଣ
ରାମ ରାଜ୍ୟର ଶାସନ ?
କ୍ରୁରତା ହୃଦୟେ, ମଣିଷେ ପକାଅ ବଳି
ଅହଂର ବାରି ପୂର୍ଣ୍ଣକରେ ଶୋଷଣେ ଥଳି
ଏହା କ'ଣ ରାମ ରାଜ୍ୟର ଶାସନ ?
ବିକାଶ ଯୋଜନା, ବଡ ବଡ ଭାଷଣ ହୁଏ,
ଭୋକ ମେଣ୍ଟେଇବାକୁ, ଛୁଆଟି ବିକ୍ରି ହୁଏ,
ଏହା କ'ଣ ରାମ ରାଜ୍ୟର ଶାସନ ?
ଏବେ ଏକ ସରକାର, ମୁଢି ମୁଠାରେ
ଗରିବ ବଞ୍ଚେ, ଟିକସ ନିଅ ତା' ଉପରେ,
ଏହା କ'ଣ ରାମ ରାଜ୍ୟର ଶାସନ ?
କ୍ଷତାକ୍ତ ହୃଦୟ ବୁଝିଲା ବେଳକୁ ଜାଣ
ପାଇବନି ନେବାକୁ ତୁମର ହୃଦସ୍ପନ୍ଦନ,
କହୁଥାଅ ରାମ ରାଜ୍ୟର ଶାସନ ?
ପୁଞ୍ଜିବାଦ ପଥେ, ସମୟ ସ୍ରୋତେ,
ଶୋଷଣର ଚଳନ୍ତା ଲହରୀ,
ଆଉ କୁହ କେତେ ଦିନ?
କହୁଥାଅ ରାମ ରାଜ୍ୟର ଶାସନ ?
ଭୋକିଲାର ଲହୁ ଲୁହରେ,
ରାମ ରାଜ୍ୟର ଶାସନ ନାମେ
ଭାଙ୍ଗିବ ଗର୍ବ, ନାହିଁ ଆଉ ବେଶୀ ଦିନ ।