ଅଭିଯୋଗ
ଅଭିଯୋଗ
1 min
204
ଆଖି ଥାଇ ଯଦି ଦେଖି ତୁ ପାରୁନୁ
ଦୁଃଖିର ଦୁଃଖକୁ ଥରେ,
ତୁହି କି ବୁଝିବୁ ମରମ ବେଦନା
ଭକ୍ତ ସିନା ଡାକି ମରେ ।
ଲୋଡା ଅଲୋଡାର ସଂସାର ଭିତରେ
ତୁହି ପରା ବଡଭୋଗି,
ଦୁଃଖୀର ଲୁହକୁ କାହିଁକି ଦେଖିବୁ
ସିଏ ବଡଦାଣ୍ଡ ଯୋଗି ।
ପେଟ ପାଇଁ ଏଠି ବିକେ ମାଆ ଛୁଆ
ତୁହି ପରା ନିତି ଭୁଞ୍ଜୁ,
କି ନାଟ ଲଗେଇଛୁ ନାଟନାଗର
ଚାହୁଁଛୁ ଭକତ ଖୋଜୁ ।
କାଳିଆ କାଳିଆ କେତେ ମୁଁ ଡାକୁଛି
ତୋତେ କିବା ଶୁଭେ ନାହିଁ,
କେତେ ଅଭିଯୋଗ ଦେବି ତୋତେ ଆଉ
ସବୁ ଜାଣି ହସୁ ତୁହି ।
ଆଉ କରିବିନି ଅଳୀ ଅଭିମାନ
ତୋର ଶ୍ରୀମନ୍ଦିର ଆଗେ,
ଏତେ ହୀନିମାନ କରନାହିଁ ମୋତେ
ଭିକ ପଛେ ମୁହିଁ ମାଗେ ।