ଅଭିନୟ

ଅଭିନୟ କଳା ଅଟେ ଚମତ୍କାର

ଅଭିନେତା ଭଲ ଜାଣେ

ଫୁଟାଏ ମୁହଁରେ ନାନା ଭାବଭଙ୍ଗୀ

ରଙ୍ଗ ରସେ ସମ୍ଭାଷଣେ ।

ମଞ୍ଚର ଉପରେ ନିଜର ଚରିତ୍ର

ଠିକ କଲେ ଅଭିନୟ

ବିମୁଗ୍ଧ ଦର୍ଶକ କରନ୍ତି ପ୍ରଶ°ସା

ବୃଷ୍ଟି ହୁଏ କରତାଳ ।

ସ°ସାର ଅଟଇ ବଡ଼ ରଙ୍ଗ ମଞ୍ଚ

ଜୀବନ ଏକ ନାଟକ

ଅଭିନୟ ସର୍ବେ କରନ୍ତି ଚାତୁର୍ଯ୍ୟେ

ଉଚ୍ଚରି ନିଜ ସ°ଳାପ ।

ପିତା ମାତା ଭାଇ ଭଉଣୀ ସମ୍ପର୍କ

ପତି ପତ୍ନୀ ନିବିଡ଼ତା

ମଧୁର ସୁନ୍ଦର ହୁଏ ପ୍ରଦର୍ଶନ

ଥିଲେ ଭାବ ସୁଚରିତା ।

ସେନେହ ସୋହାଗ ବିନା ଏ ଜୀବନ

ନିରସ କରୁଣ ଶୁଷ୍କ

ଏଣୁ ନିପୁଣତା ଅଭିନୟ କଳା

ଆୟତ୍ତିବା ଆବଶ୍ୟକ ।

ସରିଲେ ନାଟକ ବାହୁଡ଼ିବେ ସର୍ବେ

ଯବନିକା ହେବ ପାତ

ଗୁମାନ ମାରିଣ ବସିବା କାହିଁକି

ହୋଇ ଜଡ଼ ଗଜ ମୂର୍ଖ ।

ଆହରିବା ଭଲ ଗୁଣ ଅଭିନୟ

କଳା ବାଦ୍ୟ ନୃତ୍ୟ ଗୀତ

ଜୀବନ ହୋଇବ ସରସ ସୁନ୍ଦର

ମନ ହେବ ପ୍ରଫୁଲ୍ଲିତ ।