ଅଭିଧାନ

ଈଶ୍ୱରଙ୍କ ଦାନ  ମନୁଷ୍ୟ ଜୀବନ

    ଭାଗ୍ୟ ଥିଲେ ତାହା ମିଳେ 

ବନ୍ଧୁତ୍ୱ ଟି ଅଟେ   ଏମିତି ସମ୍ପତ୍ତି 

    ମିଳେନାହିଁ ସର୍ବସ୍ଥଳେ l 0 l

ବନ୍ଧୁତାର ପାଇଁ ଦରକାର ନାହିଁ 

   ଥାଉ ପାଖେ ଯେତେ ଧନ

ବନ୍ଧୁତାର ରଜ୍ଜୁ  ହୋଇଥାଏ ଶକ୍ତ

    ଯଦି ଥାଏ ସ୍ବଚ୍ଛ ମନ l 1 l

 ଭେଦଭାବ ଶୂନ୍ୟ ଯେଉଁ ପରିବେଶ 

    ସେଠି ବନ୍ଧୁତ୍ୱ ଆବାସ 

 ପ୍ରକୃତ ବନ୍ଧୁକୁ ବନ୍ଧୁ ପରିଚିତ  

     କରନ୍ତି ସଦା ପ୍ରକାଶ l 2 l 

ଅହମିକା ହିଂସା "ବନ୍ଧୁ" ଅଭିଧାନେ  

    ଖୋଲିଲେ ପାଇବ ନାହିଁ 

ତ୍ୟାଗ ଓ ପ୍ରେରଣା ଏହି ଦୁଇ ପଦ

    ସବୁ ପୃଷ୍ଠା ଶୋଭା ପାଇ l 3 l

ପ୍ରକୃତ ବନ୍ଧୁଟି  ଆପଦେ ବିପଦେ 

     ହୋଇଥାଏ ସଦା ଠିଆ

ଦୁନିଆ ସଙ୍ଗତେ ଲଢ଼ିପାରେ ସିଏ

     ଆସୁ ଝଡ଼ ଝଞ୍ଜା ବାଆ l 4 l

 କପଟୀ ବନ୍ଧୁକୁ ଜୀବନେ ନ କର

     ପେଟଚିରି ବୁଦ୍ଧିନେବ

 ଖରାପ ପଥକୁ ଭଲ ପଥ କହି

      ପଛପଟୁ ଠେଲିଦେବ l 5 l

 ଉତ୍ତମ ବନ୍ଧୁ ଟି  ବନ୍ଧୁ ଉନ୍ନତି ରେ 

     ହୁଏ ସଦା ଉଲ୍ଲସିତ  

 କପଟୀ ବନ୍ଧୁ ଟି ମିତ୍ର ଉନ୍ନତି ରେ 

     ମନେ ହୁଏ ଜର୍ଜରିତ l 6 l

  ଇତିହାସ ସାକ୍ଷୀ କୃଷ୍ଣ ଓ ସୁଦାମା  

     ବନ୍ଧୁତ୍ୱର ନିଦର୍ଶନ 

  ସମ୍ପର୍କର ଭାବ କହିଦିଏ କଥା

     ନ ହୁଏ ଶବ୍ଦ ଚୟନ l 7 l

  ବନ୍ଧୁ ଦେଇଥାନ୍ତି ବନ୍ଧୁଙ୍କୁ ସାହାସ

      ପରିସ୍ଥିତି ଯାହା ହେଉ 

   ଖୁସି ବାତାୟନ ମାଡ଼ି ଆସିଥାଏ  

     ଖେଳି ସମ୍ପର୍କର ଢ଼େଉ l 8 l

  ନରକ ବି ପ୍ରାୟ ସରଗର ସମ   

     ଲାଗେ ପାଖେ ବନ୍ଧୁ ଥିଲେ 

  ଆଗକୁ ଯିବାକୁ ପ୍ରେରଣା ମିଳଇ

     ବନ୍ଧୁତାଟି ଦୃଢ଼ ଥିଲେ l 9 l 

  ଜୀବନରେ କର ବରଜ ଶପଥ

      ନିଜେ ଭଲ ବନ୍ଧୁ ହେବ

  ଭାଙ୍ଗିବନି କେବେ ବିଶ୍ୱାସର ବାଡ

ବନ୍ଧୁତା ସଦା ରଖିବ l 10 l