ଅଭାଗା ମଣିଷ

ହା ଅନ୍ନ ହା ଅନ୍ନ ଚିତ୍କାର କରନ୍ତି

ବୁଭୁକ୍ଷୁ ଜନତା ଯେତେ,

ମୁଠାଏ ଭାତ ପାଇବା ପାଇଁ କି

ସଂଘର୍ଷ କରନ୍ତି କେତେ ?

ମୁଠେ ଭାତ ପାଇଁଁ ଭିିିିଟାମାଟି ଛାଡ଼ି

ଯାଆନ୍ତି ଦାଦନ ଖଟି,

ଅନ୍ୟ ରାଜ୍ୟରେ ଶ୍ରମିକ ହୋଇଣ

ଖଟନ୍ତି କି ଶୀତ ତାତି ।

ଯେମିତି ସେମିତି ପେଟ ପୋଷୁଥିଲେ

ବାହାର ରାଜ୍ୟକୁୁ ଯାଇକି,

କରୋନା ଯେଭଳି ପରିସ୍ଥିତି କଲା

ଫେରିଲେ ଭିିିଟାମାଟି କି ।

କରୋନା ପାଇଁ ଗୃୃୃହବନ୍ଦୀ ହୋଇ

ରହିଲେ ଘର ମଧ୍ୟରେ,

କେମିତି ସେମାନେ ପେଟ ପୋଷିବେ

କାମ ତ ନାହିଁ ବାହାରେ ।

ସରକାର ଯେ ତାଳାବନ୍ଦ ଘୋଷଣା

କରିଛନ୍ତି ରାଜ୍ୟ ସାରା,

କେମିତି କିିିଏ ବାହାର କୁ ଯାଇ

କର୍ମ ଖୋଜିବ ପରା ।

ପ୍ରାଇଭେଟ କମ୍ପାନୀ ମାନଙ୍କ ଠାରୁ

ଲୋନ୍ କରିଥିଲା ଯେତେ,

ଏହି ସମୟରେ କେମିତି ଲୋନ୍ ସୁଝିବ

ଭାବି ବସୁୁଛି କେତେ ?

ମାସିକ କିସ୍ତି ରେ ପଇସା ସୁଝିବ

ପାଖେଇଲାଣି ତାରିଖ,

ଘରେ ଯେ ଖାଇବାକୁ ନାହିଁ

ପଇସା କେମିତି ଦେବ ।

ଘରେ ତାହାର ଭୋକିଲା ଛୁୁଆ

କାନ୍ଦୁଛନ୍ତି ରାହା ଧରି

ଲୋନ୍ ଚିନ୍ତା ସଙ୍ଗେ ପେଟ ଚିନ୍ତା

ରହେ ସେ ପଥର ପରି ।

ଯେଉଁ ଘରେ ସିଏ ମୁଣ୍ଡ ଗୁଞ୍ଜୁୁୁଥିଲା

ତାହା ବାତ୍ୟା ୟାସ କରିଲା ଚୂନା,

ଏମିତି ସମୟରେ କ'ଣ କରିବ

ହେଲାଣିତ ବୁଦ୍ଧିବଣା ।

କରୋନା ସାଙ୍ଗକୁୁ ବାତ୍ୟା ର ତାଣ୍ଡବ

ରଚିଲା ଏ ବିଭୀଷିକା,

ପ୍ରକୃୃୃତି ର କେମିତି ଖେଳ ଏ

ମଣିଷ ବଞ୍ଚିବ କେମିତିକା ।