ଆଉ ଶୋଷଣ କରନି
ଆଉ ଶୋଷଣ କରନି
ତୁମ ଶୋଷଣର ଶିକାର ଆମେ
ଚିରକାଳ ଚିରକାଳ
ଆମରି ମଥାରେ ଗୋଡରଖି ତୁମେ
ଦେଖାଉଛ ତୁମ ବଳ I
ଆଉ କେତେଦିନ ଶୋଷି ଖାଉଥିବ କୁହ
ଭୂଇଁରେ ତୁମକୁ କଚାଡି ଫିଙ୍ଗିବ
ଆମ ଆଖି ଭରା ଲୁହ I
ଆମ ରକ୍ତକୁ ଶୋଷି ଶୋଷି ତୁମେ
ଅୟସ କରୁଛ ଆଜି
ତୁମରି ଯାତନା ସହି ସହି ଆମ
ମେରୁଦଣ୍ଡ ଯାଏ ଭାଙ୍ଗି
କେତେଦିନ ଆଉ ସହି ଯାଉଥିବୁ କୁହ
ତୁମ ଶୋଷଣର ଲୌହ ଶିକୁଳି
ଛିଣ୍ଡାଇବୁ ଟିକେ ରୁହ I
ଡେରିନାହିଁ ଡେରିନାହିଁ
ପୂର୍ବ ଆକାଶେ ମୁକ୍ତିର ସୂର୍ଯ୍ୟ
ଆସିଲାଣି ଦେଖ ଉଇଁ
ତୁମ ଶୋଷଣର ଶେଷ ଦେଖିବାକୁ
ଉଠିଲାଣୁ ଆମେ ଚେଇଁ I