ବାପା ମୋ ସାହାରା

ବାପା ପାଣି ପବନ ସମାହାର 

ଖରା ବର୍ଷା ପାଇଁ ସିଏ ମୋ ଛତା

ପରିବାରର ଶ୍ରେଷ୍ଠ ମନ୍ତ୍ର ଯନ୍ତ୍ର ସିଏ

ସର୍ବଦା ଚଳଚଞ୍ଚଳ ଥାଆନ୍ତି ବାପା ।

ବିଶ୍ବାସର ଅନ୍ୟ ନାମ ତୁମେ

ତୁମେ ତ ବନ୍ଧୁ ଓ ମୋ ସାହସ

ଦୁଃଖରେ ଥାଇ ହସୁ ଥାଅ ତୁମେ

ସତେ ତୁମେ ଅଟ ବିଶାଳ ଆକାଶ ।

ବାପା ତୁମେ ଆତ୍ମବିଶ୍ବାସର ପ୍ରତିଛବି 

ପରିବାରର ପାଇଁ ବିସ୍ତୃତ ମାନଚିତ୍ର 

ଗୁଗୁଲ ମ୍ୟାପ୍ ପରି ପରିବ୍ୟାପ୍ତ ତୁମେ

ସବୁ ଖବରର ମୁଖ୍ୟ ସମ୍ବାଦ ପତ୍ର।

ବାପା ମୋ ପାଇଁ ସରଗ ସମାନ

ବାପା ମୋ ପାଇଁ ପରମ ତପ

ତେଲ ଲୁ୍ଣ ଦୁନିଆରେ ସିଏ ଆଧାର

ଜୀବନ ନଈରେ ବିଶ୍ବାସର ପରିମାପ।

ବାପା ମୋ ବଂଧୁ ମୋ ପଥ ପ୍ରଦର୍ଶକ

ପଥର ପରି ଏକ ଶକ୍ତ ଚଟାଣ ଟିଏ

ସନ୍ତାନର ଖୁସିରେ ଖୁସି ଯେ ତମେ

ସନ୍ତାନ ପାଇଁ ବରଗଛର ଛାଇ ସିଏ ।

ବାପା ତୁମେ ମୋ ଜଗତ ଈଶ୍ୱର 

ତୁମ ବିନା ମୁଁ ଅଟେ ସଂସାର ଅନାଥ

ତୁମେ ମୋର ଜୀବନର ଅତୁଟ ବନ୍ଧନ

ବାଟ ହୁଡିଲେ ଦେଖାଇ ଦିଅ ସୁପଥ ।