Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

pravasini Senapati

Classics

4.5  

pravasini Senapati

Classics

ଆଉ ଡ଼ାକିବିନି ତୁମକୁ

ଆଉ ଡ଼ାକିବିନି ତୁମକୁ

1 min
395


ଆଉ ଡ଼ାକିବିନି ତୁମକୁ ମୁଁ ପ୍ରଭୁ

କାହିଁକି ଡାକିବି କୁହ

ଏତେ ଡ଼ାକି ଯଦି ତୁମ ସେ ଆଖିକୁ

ଦିଶୁନି ମୋ ଆଖି ଲୁହ ।


ଜଳ ଜଳ ହୋଇ ଚାହିଁ ବସିଅଛ

ମେଲି ତୁମ ଚକାଆଖି

କହେ ଏ ଜଗତ ସବୁ ତୁମେ ଦେଖ

ମୋ ଦୁଃଖ ପାରୁନ ଦେଖି ।


ଜାଣେନା ତୁମକୁ କିମ୍ପାଇଁ କୁହନ୍ତି

ଦୀନବନ୍ଧୁ,କୃପାସିନ୍ଧୁ

ବାରେ ହେଲାନାହିଁ ମୋ ପାଇଁକି ଦୟା

ପାଇଲିନି କୃପା ବିନ୍ଦୁ ।


ପାଷାଣ ଠାକୁର ନିର୍ବାକ, ବଧିର

ହୋଇଲକି ମୋହ ପାଇଁ

କାହିଁକି ମିଛରେ ନାମ ବୋଲାଉଛ

ସାରା ଜଗତ ଗୋସାଇଁ ।


ଅରକ୍ଷ ରକ୍ଷକ ନାମ ତୁମ ମିଛ

ମିଛ ତୁମ ବଡ଼ ପଣ

ତୁମ ଶ୍ରୀଚରଣେ ଯେ ପଶେ ଶରଣ

ପାଏ ସେ ଖାଲି କଷଣ ।


ପତିତପାବନ ବାନା ଉଡାଉଛ

କାହିଁ ପାଇଁ ଜଗନ୍ନାଥ

ମିଛେ ବୋଲାଉଛ କାହିଁକି ହେ ନାଥ

ସାରା ଜଗତର ନାଥ ।


ବଡ଼ ଠାକୁରହେ ବଡ଼ ପଣ୍ଡା ମେଳେ

ବଡ଼ ଦେଉଳରେ ବସି

ବାଙ୍କ ଚାହାଣୀରେ ମନ ମୋହୁଅଛ

ମୁରୁକି ମୁରୁକି ହସି ।


ରତ୍ନ ସିଂହାସନେ ଆନନ୍ଦେ ବସିଛ

ଭାଇ ଭଉଣୀଙ୍କ ସାଥେ

ମୁଁ ଚିର ଦୁଃଖିନୀ କାନ୍ଦି କାନ୍ଦି ମରେ

କେଉଁ ଦୋଷେ ଜଗନ୍ନାଥେ ।


ଆଉ କେତେ ଦୁଃଖ ଦେଲେ ହେବ ଖୁସି

ସତ କୁହ ମହାବାହୁ

ମୋ ଜୀବନ ପଛେ ଦୁଃଖେ କଟିଯାଉ

ତୁମ ବଡ଼ ପଣ ରହୁ ।


Rate this content
Log in