ଆଉ ଭାଙ୍ଗନାହିଁ ଜାତିକୁ
ଆଉ ଭାଙ୍ଗନାହିଁ ଜାତିକୁ
ସୁନ୍ଦର ସୃଷ୍ଟିରେ ମାନବ ଜାତିରେ ନାହିଁ କିଛି ଭିନ୍ନାଭିନ୍ନ,
କିଏ ପୂରେଇଲା ଭେଦ-ଭାବ ପୁଣି ନେଇ ଜାତି ଧର୍ମ ବର୍ଣ୍ଣ ?
ଯିଏ ଯେଉଁ ଭାଷା କହୁଛି ସେ କହୁ ପୂଜୁଥାଉ ତା'ର ଈଷ୍ଟ,
ଗୋରା କଳା ଭେଦାଭେଦ କିଏ କଲା ଆମକୁ ଲାଗୁଛି କଷ୍ଟ |
ସମ୍ପ୍ରଦାୟ ଗୋଷ୍ଠୀ ଗଢ଼ାହୁଏ ସିନା ସହଯୋଗ ବୃଦ୍ଧିପାଇଁ,
ଅନ୍ୟ ଈଷ୍ଟ-ଭାଷା- ରଙ୍ଗ ଚଳଣିକୁ କେବେ ବି ନିନ୍ଦିବା ନାହିଁ |
ନିଜ ରୁଚିରେ ଯେ ପିନ୍ଧୁଛି- ଖାଉଛି- କହୁଛି କହୁ ତା' ଭାଷା,
ଆମେ ରୁଚିପୂର୍ଣ୍ଣ ବ୍ୟବହାର କଲେ ପୂରିବ ସଭିଙ୍କ ଆଶା |
ବାବାଜୀ ମାତାଜୀ ଗୁରୁଜୀଙ୍କୁ ନେଇ କରନାହିଁ ଆଉ ମେଳି,
ଗୋଷ୍ଠୀ ସଂପ୍ରଦାୟ ବହୁତ ହେଲାଣି ଲାଗୁଛି ଅଯଥା କଳି |
ମଣିଷ ଜାତିକୁ ଭାଗଭାଗ କରି କରିଦେଲ ଖଣ୍ଡଖଣ୍ଡ,
ନିରୀହ ଜନତା ଭେଳିକିରେ ପଡ଼ି ହେଉଛନ୍ତି ଲଣ୍ଡଭଣ୍ଡ |