ଆତଙ୍କ ଠୁ ଆତଙ୍କବାଦୀ

ଆତଙ୍କ ;

ଘର ଠୁ ବାହାର

ଗାଁ ଠୁ ସହର

ସବୁଠି ତା'ର ଘର ।

ଆତଙ୍କବାଦ;

ଜନକ ଅଟେ ତାର ବିବାଦ

ବଂଚିବା ପାଇଁ ଲୋକେ ଗଣନ୍ତି ପ୍ରମାଦ

କିଏ କହେ ସେ ଜନ୍ମ ହୋଇଛି

ଆତଙ୍କର ଛାତି ଚିରି ,

ଦେଶ ପ୍ରଦେଶ ଧର୍ମ ସମ୍ପ୍ରଦାୟ

ସବୁଠି ଗଲାଣି କାୟା ବିସ୍ତାରୀ ।

ଆତଙ୍କବାଦୀ ;

ହେଲେ କିଏ ତାର ପ୍ରତିବାଦୀ

ଭୁଲିଯାଏ ସେ ମଣିଷପଣିଆ,

ହାଟ ବଜାର ଗିର୍ଜା ମସଜିଦ

ସବୁଠି ଲଗାଏ ସେ ନିଆଁ ।

ଭାଇ ଭଉଣୀ ବାପା ମାଆ

ଶୁଣି ତା ନାଁ ହୁଅନ୍ତି ଛାନିଆଁ ।

ସରଳଙ୍କୁ ମାରି ଦେଖାନ୍ତି ବହପ

ବିଜୟ ହୋଇଛି ଭାବି କରନ୍ତି ପ୍ରଳାପ ।

ଯୁଦ୍ଧରେ ହୁଏ ଖାଲି ବିନାଶ

ନ୍ୟାୟ ମିଳୁଛି ଭାବି ହେଉ ନିରାଶ।

ସହୋଦର ଏମାନେ ତୋର

ସଂହାର କରିବା ଆଗୁଁ ମନକୁ ପଚାର ,

ମନେ ତୋର ଅହଂକାର ହୋଇଛି ସବାର,

ତ୍ଯାଗ ବିନା ଆତ୍ମଜଙ୍କୁ

ରକ୍ତ ରେ ଜୁଡୁବୁଡୁ

କରୁ ତୁ ଏ ସାରା ସଂସାର ।