ଲାଇବ୍ରେରୀ
ପ୍ରୋଫାଇଲ୍
ଆତ୍ମା ତତ୍ତ୍ୱ
ଆତ୍ମା ତତ୍ତ୍ୱ
ଅଭାଗା ହତଭାଗା ସତେ ଅବା ତଟିନୀ । ଗିରି ପରିତ୍ୟକ୍ତା
ସାଗର ବିରହିଣି ।୦। _________ ଶରୀରେ ଆବଦ୍ଧ ଲୋଭ କାମେ ବଶ ବ୍ରହ୍ମ ତ୍ୟାଗି ବ୍ରହ୍ମ ଲାଗି ଆତ୍ମେ ତତ୍ତ୍ବ ହ୍ରାସ । ଅଚଳ ଅବିଚଳ ସତେ ଅବା ପଥର କ୍ଷର ପ୍ରତିକ୍ଷଣେ
ତଥାପି ଅକ୍ଷର ।୧। __________ ନିଶବ୍ଦ ନିଶାର୍ଦ୍ଧ ମେଘ ଦେହେ ସୁପ୍ତ ଘର୍ଘର ଶବ୍ଦ ସହ ନଭେ ହୁଏ ବ୍ୟାପ୍ତ । ଚପଳା ଲାଜବୋଳା ସତେ ଅବା ବିଜୁଳି କ୍ଷଣିକ ଆୟୁଷ
ଯାଏ ଖାଲି ଜଳି ।୨। __________ କର୍ଦ୍ଦମରୁ ଉଠି କରେ ଆରୋହଣ ନିର୍ମଳ ଆଲୋକେ ମଗ୍ନ ସାରାକ୍ଷଣ । ପଙ୍କେ ନୋହେ ଲିପ୍ତ ସତେ ଅବା କମଳ ଜୀବନ ସଂଗ୍ରାମେ
ଅତୁଟ ସମ୍ବଳ ।୩। __________ କଠିନ ମୃତ୍ତିକା ଭେଦି ଧୀରେ ଧୀରେ ମୁଣ୍ଡ ଟେକି ଚାହେଁ ନୀଳ ନଭ ଶିରେ । କ୍ଷୁଦ୍ର ଅଙ୍କୁରିତ ସତେ ଅବା ବୀଜ ମହାଦ୍ରୁମ ସାଜେ
ଜିଣି ବନ୍ଧ ନିଜ ।୪। __________ ଝଡ଼ର ଆଘାତେ ଭାଙ୍ଗେ ନାହିଁ ଡେଣା ଅନନ୍ତ ଆକାଶ ପଥ ତାର ଜଣା । ମୁକ୍ତ ସଂଗ୍ରାମୀ ସତେ ଅବା ପକ୍ଷୀ ଉଚ୍ଚ ଆକାଂକ୍ଷାର
ଧ୍ରୁବ ଏକ ସାକ୍ଷୀ ।୫। __________ ତିମିର ବନ୍ଧନ କରି ଛାରଖାର ଆଲୋକର ବନ୍ୟା ଆଣେ ବାରମ୍ବାର । ତେଜୋମୟ ଯାତ୍ରୀ ସତେ ଅବା ରବି କର୍ମର ପଥରେ
ଅମର ସେ ଛବି ।୬। __________ ଦାରୁଣ ନିଦାଘେ ସହି ଖରା ତାତି କ୍ଳାନ୍ତ ପଥିକର ଜୁଡ଼ାଇ ସେ ଛାତି । ସ୍ୱାର୍ଥହୀନ ଦାତା
ସତେ ଅବା ତରୁ ସବୁଜିମା ବାଣ୍ଟି
ହସାଇଣ ମରୁ ।୭।
