ଆସରେ ପିଲେ ଆସ

ଆସରେ ପିଲେ ଆସ ,

ଆଲୋକ ପର୍ବ ଦୀପାବଳୀରେ

ଦୀପ ଜାଳିବା ଆସ ,

ବାଣ ଫୁଟିଲେ ଧୂଆଁରେ ନଷ୍ଟ

ହୋଇବ ପରିବେଶ

ଶବଦ ତା'ର ଅତି ପ୍ରଖର

ଶୁଣି କେ ପାଏ କଷ୍ଟ

ଆସରେ ପିଲେ ଆସ ।

ଗଛର ସଂଖ୍ଯା ଦିନକୁ ଦିନ

ଯାଉଛି କମି କମି ,

ଅଙ୍ଗାରକାମ୍ଳ ବଢ଼ୁଛି ଯେଣୁ

କରାଏ ସ୍ବାସ୍ଥ୍ଯ ହାନୀ

ବାଣର ଧୂଆଁ ଅଟେ ବିଷାକ୍ତ 

ଅଙ୍ଗାରକାମ୍ଳ ପାଇଁ ,

ଏହି କଥାକୁ ମନରେ ହେଜି

ବାଣ ଫୁଟାଅ ନାହିଁ

ଜାଳି ପ୍ରଦୀପ ଦେଇ ଆଲୋକ

କର ଅନ୍ଧାର ନାଶ

ଆସରେ ପିଲେ ଆସ ।

ତ୍ରେତୟା ଯୁଗେ ଶ୍ରୀରାମଚନ୍ଦ୍ର

ଯୁଦ୍ଧେ ରାବଣ ମାରି ,

ଆଜିର ଦିନେ ଅଯୋଧ୍ଯାକୁ ଯେ

ଆସିଥିଲେ ସେ ଫେରି

ତାଙ୍କର ସ୍ମୃତି ମନରେ ରଖି

ଜଳାଇ ଆମେ ଦୀପ ,

ଆମ ମନର ଅମା ଅଜ୍ଞତା 

କରିବା ଆମେ ନାଶ

ଆସରେ ପିଲେ ଆସ ।

ଆଶ୍ବିନ କୃଷ୍ଣ ପ୍ରତିପଦରୁ

ପିତୃ ପୁରୁଷ ପାଇଁ ,

ଦିଅଇ ହିନ୍ଦୁ ଶ୍ରାଦ୍ଧ ଓ ଭୋଜ୍ଯ

ଆତ୍ମାର ତୃପ୍ତି ପାଇଁ

ଆଜିର ଦିନେ ସେ ପିତୃଗଣ 

ଛାଡ଼ି ମର୍ତ୍ଯ ଧାମକୁ ,

ଯାଆନ୍ତି ଚାଲି ବର୍ଷକ ପାଇଁ

ତାଙ୍କ ପିତୃଲୋକକୁ

ସେ ପାଇଁ ଡାକୁ ବଡ଼ ବଡ଼ୁଆ

କାଉଁରିଆକୁ ଜାଳି ,

କହୁ ଅନ୍ଧାରେ ଆସିଣ ଏବେ

ଆଲୋକେ ଯାଅ ଚାଲି

ଦୀପଦାନରେ ଯାଆନ୍ତି ଯେବେ

ବହି ମନରେ ସନ୍ତୋଷ

ଆସରେ ପିଲେ ଆସ

ଆସରେ ପିଲେ ଆସ।