ଲାଇବ୍ରେରୀ
ପ୍ରୋଫାଇଲ୍
ଆସନ୍ତା କି ଫେରି ମୋ ପିଲାଦିନ
ଆସନ୍ତା କି ଫେରି ମୋ ପିଲାଦିନ
1 min
335
ଶୈଶବର ସ୍ମୃତି ନିତି ମନେପଡେ
ଅବିସ୍ମୃତ ସେହି କଥା
ଗାଁର ମହକ ସଦା ଝୁରି ହୁଏ
ଆଦ୍ୟ ଜୀବନୀର ଗାଥା ।।
ବୋଉ କାନ ମୋଡ଼ା ବାପାଙ୍କର ଗାଳି
ଥିଲା କେତେ ମିଠା ଭରା
ବିଲ ବଣ ବୁଲି ମାଛ ଧରିବାରେ
ବାସନା କେଢେ ନିଆରା ।।
ଖରାଦିନେ ବସି ନଦୀ ପଠାପରେ
ବନିଶୀରେ ମାଛ ଧରା
ସକାଳରୁ କେବେ ସଞ୍ଜ ନଇ ଯାଏ
ସ୍ମୃତି ସେ ଯେ ଅପାସୋରା ।।
ଜଳକ୍ରୀଡ଼ା ସଂଗେ ବଣ କୋଳି ଖିଆ
ଥିଲା ଆହା କେତେ ମିଠା
ନିତି ମନେପଡେ ଏବର ସମୟେ
ଅଭୁଲା ସେ ସବୁ ଗାଥା ।
ଆସନ୍ତା କି ଫେରି ପିଲାଦିନ ମୋର
ବିଭୋର ହୁଅନ୍ତି ସେଠି
ହଜି ଯାଆନ୍ତି ମୁଁ ସେହି ଶଇଶବେ
ସ୍ମୃତିକୁ ପଖାଳି ନିତି ।।
