💔ଆସିଥିଲୁ ତୁହି ଅଳ୍ପ ଦିନପାଇଁ 💔

ଭୁଲ୍ କରିଦେଲି  ଭଲପାଇ ତତେ

    ଲୁହରେ ଭିଜୁଛି ଆଜି,

ବିଶ୍ୱାସ କରିକି    ଠକିଗଲି ମୁହିଁ

    ହାରିଲି ପ୍ରେମର ବାଜି।।

ନଈର ମଝିରେ  କୁମ୍ଭୀର ଆଗରେ

    ଛାଡ଼ିତ ଆସିଛି ପ୍ରିୟା,

ବୁଝି ପାରିଲିନି   ଛଳନା ତୋହାର

   ହୋଇ ମୋ ଦେହର ଛାୟା।।

ପାରୁନି ଯାଇ ମୁଁ  ଆଗକୁ ସେଠାରୁ

    ଗୋଡ଼ ଧରିଛି କୁମ୍ଭୀର,

ନାବ ପରେ ରହି  ପ୍ରିୟା ହସୁଅଛି

    ହୋଇ ଯାଇ ସ୍ୱାର୍ଥପର।।

ପ୍ରେମ ତୋର ଆଜି  ସରିଗଲା ସବୁ

   ଭାଙ୍ଗିଦେଲୁ ପ୍ରେମଘର,

ନିଜର ଯାହାକୁ    ଭାବିଥିଲି ମନେ

  ସେ , ହୋଇଗଲା ସ୍ୱାର୍ଥପର।।

ଆଉ ଭାବିବିନି    ସପନରେ ତତେ

   ତୁ ଏବେ ଆଉ କାହାର,

ଆସିଥିଲୁ ତୁହି     ଅଳ୍ପ ଦିନ ପାଇଁ

    ଦେବାକୁ ଦୁଃଖ ଜହର।।