ଆସିଛି ରଜ

ବରଷକେ ପରେ ଆସିଛି ରଜ,

ଉତ୍ତପ୍ତ ଭରା ସାରା ରାଇଜ ।

ବନକୁ ପୋଡ଼ି କଲେଣି ଧୁଆଁ, 

ଗଜରାଜ ରାଗି ହେଲାଣି ନିଆଁ ।

ଆମ୍ବ ପଣସକୁ ପଚାରେ କିଏ,

ପିଜ୍ଜା ବରଗର୍ ପେଟ ପୂରାଏ ।

ଲୁଡୁ ତାସ୍ କିଏ ଛୁଉଁଛି,

ଦିନ ସାରା ବସି ରିଲ୍ ଦେଖିଛୁ ।

ବରଷକେ ପରେ ଆସିଛି ରଜ

ଉତ୍ତପ୍ତ ଭରା ସାରା ରାଇଜ ।

ରଜ ଦୋଳି କଟ କଟ ସୁଭଇ ନାହିଁ

ମଡନ୍ ଦୋଳି ସଭିଙ୍କ ମନ ଜିଣଇ ।

ଭାଇ ପିନ୍ଧୁ ନାହିଁ ସୁନା ମୁକୁଟ,

ଭାଇ ଭାଗ୍ୟରେ ପରା ବେଙ୍ଗଲୁରୁ ,ସୁରଟ ।

ବାର ବର୍ଷରେ ତେର ପର୍ବ,

ତନ୍ମଧ୍ୟରୁ ରଜ ପର୍ବ ଗଣ ପର୍ବ ।

ରଜ ସଂକ୍ରାନ୍ତିର ପୂର୍ବଦିନ ପହିଲି ରଜ,

ଦ୍ଵିତୀୟ ଦିନ ସଂକ୍ରାନ୍ତି ରଜ ।

ତୃତୀୟ ଦିନ ଭୂମି ଦହନ, 

ଅନ୍ତିମ ଦିନ ବସୁମତୀ ସ୍ନାନ ।

ରଜ ଶବ୍ଦର ଅର୍ଥ ରଜବତୀ,

ଏହି ଦିନରେ ଚାଷୀମାନେ ନିଅନ୍ତି ବିରତି ।

ରଜରେ ପୋଡ଼ ପିଠା ପାନ ସହିତ ହୁଅଇ ମଉଜ,

ଗାଁ ଗଣ୍ଡାରେ ରାମଦୋଳି,ଚକ୍ରଦୋଳି,ପାଟଦୋଳି,ଦାଣ୍ଡିଦୋଳି ହୁଅଇ ସଜ ବାଜ ।

ଝିଅମାନେ ରଜ ଦୋଳି ଓ ପୁଚି ଖେଳି ହୁଅନ୍ତି ସଜ ବାଜ,

ପୁଅମାନେ ଲୁଡୁ, ତାସ, ବାଗୁଡ଼ି ଖେଳି କରନ୍ତି ମଉଜ ।

କୁମାରୀ କନ୍ୟାମାନେ 

ଗୀତ ଗାଇ ଦୋଳି ଝୁଲନ୍ତି,

ବନସ୍ତେ ଡାକିଲା ଗଜ

ବରଷକେ ଥରେ ଆସିଛି ରଜ,

ଆସିଛି ରଜ ଲୋ

ଘେନି ନୂଆ ସଜବାଜ ।