Library
Profile
ଆସିବ କେବେ ସେ ସୁଦିନ
ଆସିବ କେବେ ସେ ସୁଦିନ
ମା' ଆଖିରୁ
ଶୁଖୁନି ଲୁହ
ଶିଶୁର କମୁନି
କ୍ରନ୍ଦନର କୋହ
ଗାଁ ରୁ ସହର ସବୁଠି
ବିକାଶର ମୋହ
ତୋଳା ଚାଲିଛି
ଗୃହ ପରେ ଗୃହ
ହେଲେ ଗରିିିବୀ
ହଟୁନି ଏ ଦେଶୁ
ହଟୁନି ଏ ଦେଶୁ
ଭୋକିିିଲା,ଶୁଖିଲାର ମୁହଁ ।
ଚଉସ୍ତରୀ ବର୍ଷ ସ୍ଵାଧୀନତା
ପ୍ରାପ୍ତି ପରେ ବି
ମାତୃ ମୃତ୍ୟୁହାର କମୁନି
ଶିଶୁ ମଡକ ବି ଥମୁନି
ଅପପୁଷ୍ଟିର ଶିକାର ହେଉଛି
ଏ ରାଜ୍ୟ, ଏ ଦେଶର
ମାତୃ ଓ ଶିଶୁ
ବିକାଶର ନାରା ଦେଇ
ଜନତାଙ୍କ ଆଗେ
ଆମେ ନେତୃବୃନ୍ଦ ଭାସୁ
ତାଙ୍କ ଗରିବୀ କଥା ଶୁଣି
ଏବେ ଆମେ
ବୁଦ୍ଧିଜୀବି, ନେତୃବୃନ୍ଦ
ଥିଲାବାଲା ହସୁ ।
କାହିଁକି ଯେ
ଏ ଦେଶୁ
ପାତର ଅନ୍ତର ହଟୁନି
ସଖଟିଖିଆ, ମେହନତି,
ଦଳିତ ମଣିଷ ମାନଙ୍କର
କାହିଁକି ଏ ଅନ୍ୟାୟ
ବିରୁଦ୍ଧେ ପାଟି ଫିଟୁନି
ସେ ଗୋଲକ ଧନ୍ଦାର
ବିଷୟ ବସ୍ତୁଟା ବି
ମୋ ମୁଣ୍ଡକୁ ଖଟୁନି ?
ଗରିବ କେବଳ
କ'ଣ ଦରିଦ୍ର
ପଞ୍ଚାକ୍ଷରି ଜପି ମରିବ
କୃଷକ, ଶ୍ରମିକ, ଦଳିତ
କ'ଣ କେବଳ
ଆତ୍ମହତ୍ୟା କରି ମରିବ
ପୁଞ୍ଜିପତି ଖାଲି
ପୁଞ୍ଜିର ପାହାଡେ ଶୋଇ
ବିଳାସ ବ୍ୟସନେ
ଜୀବନ ତା'ର ସାରିବ ?
ଧନ୍ୟ ଆମ ଗଣତନ୍ତ୍ର ଶାସନ
କେବେ ହଟିବ ଏ
ପୁଞ୍ଜିବାଦ ଶାସନ
କେବେ ଶେଷ ହେବ
ଦେଶୁ ଓ ବିଶ୍ଵୁ
ଏ ଶାସନ ନାମେ ଶୋଷଣ
କୋଟିପତି, କୋଠିପତି ଓ
ବେଠି, ଗୋତି ମଧ୍ୟେ
ପ୍ରଭେଦର କେବେ
ହେବ ଅବସାନ ?
ସମତା ଭିତ୍ତିରେ
କେବେ ଚାଲିବ
ଏ ଦେଶେ ଓ ବିଶ୍ଵେ ଶାସନ
ଧନୀ ଓ ଗରିବ
ମଧ୍ୟେ ପାର୍ଥକ୍ୟର
ଆସିବ କେବେ ଶେଷ ଦିନ
ଆସିବ କେବେ ସେ ସୁଦିନ ?
