ଆଶ୍ରମେ ପ୍ରଭାତ

ପାହିଲା ଅନ୍ଧାର ରଜନୀ 

       ଡାକେ ଆଶ୍ରମ ଶାରୀ l

ହରେ ରାମ କୃଷ୍ଣ ଗୋବିନ୍ଦ 

        ନାରାୟଣ ଶ୍ରୀହରି ll

ସିନ୍ଦୂରା ଫାଟିଲା ପୂରୁବ 

        ନଭେ ଭାନୁ ଉଦିତ l

ଭାନୁ କୁଳବଧୁ ବୈଦେହୀ 

         ଉଠ ନକରି ମଠ ll

ପ୍ରସ୍ଫୁଟିତ ମୁନି ଉଦ୍ୟାନେ 

       କେତେ ଜାତି ସୁମନ l

ସଖୀମାନେ ଆସି ଡାକନ୍ତି 

         ଯିବ କରି ଚୟନ ll

କୋଳ କରିବାକୁ ତମସା 

         ରହି ଅଛି ଅନାଇ l

ଶୁଭ ସମ୍ପାଦିନୀ ଯାଅଗୋ

      ଶୁଭେ ସଖୀଙ୍କୁ ନେଇ ll

ଥିରି ଥିରି ପଥ ଚାଲିବୁ 

        ମାଆ ଉଦର ଭାର l

ଉଦୟ ହେବାକୁ ଉଦରେ 

       ତୋର ଭାନୁ କୁମର ll

ଉଚ୍ଚ ସ୍ଵରେ ବଂଶ ବନରେ 

       ଡାକେ ଶୁଭ ଶଙ୍ଖୁଆ l

ଖଞ୍ଜନ କୁକ୍କୁଟ କୁମ୍ଭାଟ 

       ପିକ ଡାମରା କୁଆ ll

ସତୀ ଶିରୋମଣି ଉଠନ୍ତି 

         ବନ୍ଦି ରାମ ଚରଣ l

ଅଭାଗିନୀ ଗତି ମୁକ୍ତି ହେ 

        ପ୍ରଭୁ ଶ୍ରୀରଘୁରାଣ ll

ଶୁଭ ଲଗନରେ ତମସା

      ନୀରେ ସ୍ନାହାନ ସାରି l

ତପନଙ୍କୁ ବନ୍ଦି ଫେରନ୍ତି

       ତପନ କୁଳ ନାରୀ ll

ଆଶ୍ରମେ ଶ୍ରୀରାମ ଶ୍ରୀସୀତା

        ମୁନି କୁମାର ଗଣ l

ବାଲମିକୀ ମହାମୁନିଙ୍କ 

       ଧ୍ୱନି ଶ୍ରୀରାମାୟଣ ll