ଆସହେ ଖେଳିବା ହୋଲି
ଆସହେ ଖେଳିବା ହୋଲି
ବାସେ କୁଞ୍ଜବନ ପ୍ରୀତି ଉପବନ
ପ୍ରତିମନ ବୃନ୍ଦାବନ
ମିଳନ ବିଭୋର ଷୋଳକଳା ପୂର୍ଣ
ରାଧା ଗୋପୀନାଥ କୃଷ୍ଣ ।
ଗାଆଁ ଆମ୍ବତୋଟା ଗହଳ ଶାଖାରେ
ଶୁଭେ ମିଠା କୁହୁସ୍ୱନ
ଶବ୍ଦରେ ତୂଳୀରେ ଭାବର ତରଙ୍ଗ
ତଲ୍ଲୀନ ମନ ମଗନ ।
ରଙ୍ଗ ପିଚକାରୀ ଫଗୁର ଅବୀର
ନୂଆମନ ଆଶାରଙ୍ଗ
ବୋଳିହେବା ଆସ ଗୋଟାପଣେ ଅଙ୍ଗେ
ସ୍ନେହଶ୍ରଦ୍ଧା ଦିବ୍ୟପ୍ରେମ ।
ଫେରିଛି ଫଗୁଣ ଉଲ୍ଲାସ ଆନନ୍ଦ
ପୂର୍ଣମାସୀ ପୂର୍ଣ୍ଣଚାନ୍ଦ
ଆସହେ ଖେଳିବା ପ୍ରେମର ହୋଲିକୁ
ଜୀବନ ହୋଇବ ଧନ୍ୟ ।