ଆଶା

ଅଦିନିଆ ଝଡ଼

ଆଉ ବତାସରେ

ଖଣ୍ଡ ଖଣ୍ଡ ହୋଇ ଛିଣ୍ଡି ପଡ଼ିଥିବା ଜୀବନ

ମନକୁ ଶୁଖେଇ

ଓଦା ଆଖି ଆଉ ଥରିଲା ଓଠକୁ ନେଇ

ଚୂନା ଚୁନା ହୋଇ ଥିବା

ସବୁ ସୁନା ସପନକୁ

ଛାତି ଭିତରର କେଉଁ ଗୋଟେ କୋଣରେ ଜାକିଦେଇ

ହରାଇ ସ୍ନେହ ଆଉ ମମତା

ଭୁଲି ଯାଇ ଅତୀତ

ମରିମରି ପାସୋରିବାକୁ ଚେଷ୍ଟାକରି

ଏକାକୀ ଉଠିପଡ଼ି ସଂଘର୍ଷକରି

ରାଗ, ରୋଷ

ସବୁ ଭାବନାକୁ ଜଳାଞ୍ଜଳି ଦେଇ

ଛାତି ଓ ମନକୁ ପଥରକରି

କୋହକୁ ଜାଣିଶୁଣି ଦଳିଦେଇ

ମିଛିମିଛିକା ଜିଇଁବାର ଅଭିନୟ

ସବୁ ଖାଲି ସମ୍ଭବ

ଖାଲି ସୁତାଖିଅର ସେଇ ନିରୀହ ଭାବନା

ଆଉ କିଛିନୁହେଁ

ଆଶା

ହଁ

ଆଶା l