ଆଶା
ଆଶା
ଗୋଟିଏ ବର୍ଷକୁ ବିଦାୟ ଦେଇ
ଏକ ନୂଆଁ ବର୍ଷର ପ୍ରାରମ୍ଭରେ
ଆଖିରେ ଆଖିଏ ସ୍ଵପ୍ନ ଭରି
ଖୋଲା ଆକାଶକୁ ସାଖି ରଖି
ହାରିଲି କେତେ ଜିତିଲି କେତେ
ହିସାବ ଖୋଜୁଛି ଆଙ୍ଗୁଳି ଗଣି
ହାତରେ କେବଳ ଗାଢ଼ ରେଖାଙ୍କର ଭିଡ଼
ଏବେ ବିନା ବଇନାରେ
ଧୋକା ବି ହୋଇଛି ସସ୍ତା
ପ୍ରତ୍ୟକ ସମ୍ପର୍କରେ ପ୍ରତ୍ୟହ
ମିଳିଯାଏ ବେହିସାବ ହାତ ପାହାନ୍ତାରେ।
ହାତରେ ଏବେ ମୋ ମୁଠାମୁଠା
ହତାସା, ଅପାରଗତା, ପରିତାପ
ଚିଡ଼ିଚିଡ଼ା ପଣର ପରିଚୟପତ୍ର
ବଦଳେଇବା ଯଦି ହୁଅନ୍ତା ସହଜ
ସ୍ବପ୍ନ ସାଉଁଟି ଆଣି
ସଜେଇ ଦିଅନ୍ତି ମୁଦା ଆଖିରେ
ପୁଣି ବୋହି ଆଣନ୍ତି ବସ୍ତା ବସ୍ତା
ସୁଖର ଅତିଶୟ ଓ ପ୍ରୀତି ଅତିରେକ ।
ତଥାପି ପ୍ରତୀକ୍ଷା ନିର୍ନିମେଷ ନେତ୍ରେ
ତୁ...!! କେବେ ବିନା ଅର୍ଦଳିରେ
ମୋର ଖେଦୋକ୍ତି ବିନା
ଅମୃତ ମଣୋହି ଆଣି
ପରସିଦେବୁ ତାମରସ ଥାଳିରେ
ଆଉ ପୂର୍ଣତାର ଆଶା ଦେଖେଇବୁ
ଘନଘୋର ତମିସ୍ରାରେ ।